240
Rek. extr. Bewest., fol. 51.
Alsoe de huysvrouwe vanden voiriï Jak Evertszone van Deventer,
bevrucht was met kiudezoe heeft desen voirn rentmr belastdie
gevangen te houden in 't sgravensteen tot Middelb tot datse verlost
zoude wesen en dat men haer zoude onderhouden alsoe zyluyden gheen
goeden alhier en hadden. Eude es tot luieren behouve ende noodt-
durfte, zoe voir, in, als naer hueren craem by dezen rentmrë betaelt
geweest in brootboterwynsuycker douckensallarie vander
vroevrouwe en anders 't samen de somme van 26 sch. gr. vl.
Register Crimineel der stad Middelburg 15351584-,
II, fol. 1, verso.
Examinatie gedaen by Floris van Damme, stadthouder
van den rentmr bewesterschelt Adolf Herdinck die int
eynde mede quam op den 27slc° in Maerte 1534 (1535) op
den paesavont present Jacob Simonsz. Magnus, Corne-
lis Schobbelants eïï Kerstiaen Jacobsz Borsselare
schepenen.
Jan Evertsz. geboren van Deventer, schoemaker van zynen am-
bochte oudt omtrent 26 jairen zoo hv zeyde, heeft beleden en bekent
buyten alle banden van pyne ende ysere, onbedwongen van yemande,
hoe hy omtrent een jair geleden in den Hage in hollant opt speuye
in een herberge dair sinte nicolaus vuyt hinck en aldair de wairdinne
weduwe was eïï taveerne hieltby een Meynart wever van zyn
ambochte en ommegaende met cramerie en diemen onder de luyden
van der secte seyde te zyn een bisscop, liardoop is geweest.
Gevraecht by den voorn stadthouder hoe hy die spreeckt cam (quam)
en gerochte ande kennisse van den voirn. Meyngart, zeyde en ant-
woirde dat t zelve toecam duer eenen Job Adriaensz wyens vader
woont inden hage voirn ande plaetse by t scavot aldaer staende. Ge
vraecht als voiren wat woerden ende manieren de voirn Meynart
seyde en hielt als hy die spreeckt hardoopt was, Andwoirde en zeyde
dat hy hem voerleyde eensdeels vanden evangelien epistolen van sinte
pauwels en t nyen testament zonder dat hy weet of hem te voire staet
t effect vanden woerden.
Maer 'werdt gedoopt met water inde naem des vaders des socm
en des heyligen gheests.
Gevraecht als voiren wat hy beloefde eer en als hy gedoopt werdt
zeyde dat hy nyet en beloefde gemerct hem van geen belofte voer-
gehouden en werdt.
