316
bewest van wege de Co. Ma', gedaen tot laste van Mati-ieeux Mae-
risz oudt 43 oft 44 jaeren, prochiaen in Hoogelande, gewoont heb
bende buyten de Langevyle poorte deser stede, en Magdaleene
Jansdr huysvr. vanden voors. Matiieux Mal'RISZ oudt ontrent 40
jaerende selve aenseggende hoe zy affgeweken waeren van hun
christen gelove ende geaenveert de secte vande inennonisten ende hen
bevden hadden laten herdoopen ontrent TO jaeren geleden, ende
eenige tyt, daerna onder de selve sectarissen elcander getrauwt en
t samen geprocreeert verscheydene kinderen tot vyve in getaele; die
zy allegaer t. sacrament des doopsels onthouden en gesustineert had
den en noch sustineerden diversche quade en valsche opiniencon
trarie t gelove der heylige christen kereke. Waer duer zy gevallen
waeren inde peynen begrepen int placcaet- by de Co. Ma', gedepe-
scheert opt feyt van de heresie, mits welcke hv her capitalyck con
cluderende was jegens de voors. gevangens als dat de zelve geexe-
cuteert zouden werden metten vierezoo verre zy persisteerden bv
heure opinien en heretyck gelove. Ende indien zy t zelve afgingen
dat de voors. Matheeus sal geexecuteert. worden metten zweerde
ende de voors.'Magdalena gedolven zoo datter de doot naer volge.
Ende in alle gevalle heure doode lichaem gebracht ter plaetse vande
justitie, eïl dat heure goeden waer die bevonden sullen mogen wer
den verclaert sullen zyn geconfisqueert tot zy. mats profytehier
nair gehoirt de confessie vande voors. by de welcke zy belydende
waerenherdoopt te wesen ende verclaerden te persisteren by de opi
nie by hen gesustineert, is soo verre in de saecke geprocedeert dat
B. eïl S. voorn die gehouden hebben in advyse; de welcke op huyden
op alles gelet hebbende, zonderlinge op de perseverantie vande voors.
in heure voors. heretycke opinien, vuytende hen advys ter maninge
vanden bailliu der voors. stadt, hebben verclaert en verclaeren mits
desen dat de voors. Matheus ende Magdalene vervallen syn inde
peynen begrepen in het voors. placcaet, vuyt crachte van welcken zy
geleyt sullen werden buyten den stadthuyse alhier en aldaer geexecu
teert te werden metten viere zulcx datter de doot naer volge, heurl,
doode lichaem gevoert te werdden buyten der stadt ter gewoonelycke
plaetse van justitie en aldaer gestelt aan een stake eïl alle heurl.
goeden geconfisqueert ten profyte van de Co. Ma'. Aldus gewesen
gepronunchiert en geexecuteert op den 13 Martii anno 1571 stilo
curiae hollan (1572).