326
't voirs. pant het en ware off hij hilde mit zineu eede dat hij
hem nijet gehuert en hadde.
(20.) Item waert dat eenich meede reedere quame tot den
koermeesteren omme zijne meede te koren, daer zullen die
koermeesters bereijt toe wesen op te boete van eene ponde.
Ende waert dat die koermeesters ziec ofte van huijs waren
soe zullen de baeliu of zijn schout burgemeesteren ende sce-
penen eenen anderen in liuere stede ordineren of selve gaen
koren om nijemande eenich belet te laten hebben.
(21.) Item soe sal die meedereeder geven van eiker balen
meeden die men teijkent eenen grooten.
(22.) Item waert dat eenich knape valsch goet reedde ofte
oic ongelijc baelde daeroff zouden zij selven de boete betalen
of daervoren in 'tscheeren gevangkenisse wesen ter tijt toe
dat zij haren meester vernought ende gebetert hebben.
(23.) Item soe en sal men gheen baellioen maken daer meer
aerden inne wesen sal dan zestien ponden in elc hondert ende
waert datter meer aerden inne waer dan 16 pont dat waer op
eene boete van thien gr. van eiker balen ende dan zoude
ment vercoepen voir mul.
(21.) Item soe en sal men glieene meede koren die men
stampt van Betzine dat van buijten coemt het en waer ge-
droeght mit houte ofte mit colen. Ende waert dattet ijemant
der koermeesters te voren leijde omme te koren die verbuerde
twintich ponden zwarten.
(25.) Item soe zullen die koermeesters alle meede ende
baellioen koren na hare consciëntie en naer dat die meede
ofte baellioen waerdich is gekoert te wesene.
Ende waert datter ijemant tegens zeijde dat waer op de
boete van thien zwarten.
(26.) Item soe wie dese koor van der meede valssclit mit
veranderinge van teijken ofte anders die sal dairmede verbue-
ren tegens den heer thien pont swarten ende jegens die stede
10 ende tot eewigen dagen gepriveert wesen van die meede-
neringe te doene bijnnen die stede ende die stede vrijheijt van
