•'527
Reijmerswale ende daertoe noch gecorrigeert worden alsoe hoo-
ghe alst scepenen recht duncken sal na gelegentheijt der
saicken.
(27.) Item soe sal een ygelic zine boeten betalen bijnnen
de eerste achte dagen dat se verbuert, is ende kenlic is van
eenen ofte van twee koermeesters of hebben der koermeesters
gemoede. Ende waret dat zij des nijet en deden, soe zouden
die koermeesters haer goet doen schatten anderhalf schatte
mit der stede schatters daeran dat hem geliefde ende dan soe
mogen zij die goeden doen halen ende daermede doen dat hem
goetduncken sal behouden een ijgelijcken zijns rechts.
(28.) Item soe en sal nijemant langer droegen mit zijnre
stoven dan tot den eersten dage van meije toe op te boete
van thien pont zwarten van eiker stove meeden.
(29.) Item soe en sal nijemant meer meeden of baellioen
doen koren op eenen dach dan negen balen ten ware dattet
die koermeesters doen wilden.
(30.) Item soe sal men maken voer sin te pietersdacli in-
gaende oust alle jare nijeuwe koermeesters ofte tot alsulken
tijde alst den baeliu en den gerechten believen sal.
(31.) Item soe sal men alle meede of steek ende baellioen
koren die men bijnnen Reijmerswale maken sal op te boete
van 10 zwarten.
(32.) Item soe en zullen die koermeesters yemande eenige
boete verdragen of quite schelden die zij weten op haeren eedt
dat verbuert zijn ende dat sal heml. de hier bevelen als mense
koermeesters maict.
(3-3.) Item soe wije den koremeesters quade woorden ghave
om 't koren of om reclitswille van der koren rurende die ver -
buerde zes zwarten alsoe dicwijle als hij 't doet.
(34.) Item alle meede die men te Reijmerswale doet reeden
bij den honderden, daeroff sal men 't geit datter of geloift is
betalen ten eersten dat die meedereedeer die meede gelevert
heeft of hebben des meedereeders gemoede ende waert dat hij
die meede liene lijete voeren dan sal hij betalen bijnnen 14