107
werssine noch nijement anders die ghelike neringhe doende
wonen noch bliven en zullen in onser poirten voirs. binnen
alle den termijn voirs. iof ten ware bi wille der voirscr.
coopmanne ende hoerre ghesellen of bi horen specialen ont-
heete. Ende ghesciede oic dat enighe of enich der vorseider
coopmannen wanneer dattet ware binnen den voirscr. termijn
wilden of wilde sceiden wt onser porten voirs. dat mogen si
doen ende vercopen ende verwisselen hoer deel van haren goe
den ende van haren cateylen die si hebben zullen in onser voirs.
porten sonder forpel ende quade boosheit. Ende van dat
ter ghedaen sal sijn dat partje kennen sal of dat bliken sal
bi hulpen der portenbi onsen kennemannen of bi anderen
openbaren instrumenten. Wi willent doen houden als heere.
Ende Wi hebben den voirs. coopmannen horen gesellen ende
horen ghesinde ghequijt quiten ende vrien van allen scattin-
ghen, lote, beden, thijnse, tolne, herevaerdenvan reysen,
van allen coste of dienste ons te doen ofte yemende van on
ser weghen van allen anderen overdaden die Wi hen mochten
of wilden eysschen noch doen eyschen van onsen weghen,
mer Wi zullen se hoeden ende bewaren wel ende getrouwelic
jeghens alle die ghene die hen onrecht moeynisse of scade zul
len willen doen. Ende ghevielt dat enich der coopmannen
hoer ghesellen of hoer ghesinde voirs. of hoer goet worde op-
ghehouden of ghearresteert in enighe stede, Wi sijn sculdich
te beiaghene hen tonrasteren ende hoer deliverantie mit goe
den trouwen op horen cost also Wi doen souden of sculdich
waren te doen om onsen mannen ende om onsen porteren'.
Ende Wi en moghen noch en willen niet bescuJdighen die
voors. coopmannen hoer ghesellen noch hoer ghesindennoch
yet eyschen van zaken die vorleden sijnhoe ghedaen si sijn
of hadden gheweest in wat manieren dattet ware. Ende
ghesciede oic dat enich der coopmannen voirs hoer ghesellen,
of hoer ghesinde doot bleven binnen den vorseiden termine
die testament ghemaect hadde, Wi en souden niet eyschen
van siiien goede dode hant noch ander dincmer Wi souden
