109
dich is te gheloven jof hoerre ene sonder quaet forpel bi
horen slechten woirden sonder andere proeve der af te doen.
Ende Wy willen oic ende begheren waert dat gheviele dat dese
voirs. coopmannen hoer ghesellen of hoer ghesinde ghehouden
hadden panden ende ghevvacht een jaer ende enen dach dat
si se after dien tijt vercopen moghen tot horen wille sonder
aenspreken van yemende ende sonder misdoen tieghens ons
of ieghens yemende van onser weghe. Ende dat si se een
jaer ende enen dach gehouden sullen hebben dat sal men hem
gheloven tol horen simplen segghen sonder andere proeve te
doen Ende "Wi gheloven ende hebben gheloift den voirs. coop-
luden te doen gheldcn mit sulken munten ende vorwerden
als daer si mede gnecomanscept zullen hebben also verre als
hoere letteren hoer cyrograffen ende hoere machten die si daer
of hebben zullenzullen inhouden. Ende van alle dien datsi
ghecomanscept zullen hebben daer si ghenen letteren cyrograf
fen noch machten of hebben en zullen Wi sijn hem scul-
dich te doen gelden mit zulken paymente als si mede ghe
comanscept zullen hebben also verre als die ghene die hem
sculdich sijn goet zullen hebbenende des moeten si gheloift
sijn tot horen simplen woirden sonder ander proeve te doen.
Ende overmids alle desen vorwaerden die desen tieghenwor-
dige lettren inhouden boven ende benedenso sijn ons die
voirs. coopmannen sculdich te gheven ende te ghelden elcs
jaers desen termijn wt voirghen. hondert ende vijftich oude
gouden scilde, iof andere payment daer voer dat ghenghe
ende gave is te ghelden elx jaers opten Meydach t1 enden jaers
die voirs. twintich jaer wt. Ende ghesciede oic dattie vors.
coopluden sceiden wouden wt ons vorseider porten binnen
den termijn voirscr. dat moghen si doen sonder wedersegghen
ende sonder calaengen wanneer dat si betaelt ende ghenoech
ghedaen hebben van sulken chijnse als si verseten hebben ende
voeren si wech binnen desen vorseiden termijn wanneer dattet
ware si souden ghelden den voirs. ehijns tertijt toe dat si
wech voeren als die tijt beliepe die si hadden verseten. Ende
