110
waer dat ghesciede dat niet ghescien en moete dattie voirsc1.
coopmannen hoer ghesellen ende hoer ghesinde enighe scade
zwaerheit of wederstoot hadden om toccusoen van ons of bi
ons, in wat maniere dattet ware wi sijn hem sculdich dien
vorseide scade te ghelden dien si hadden in wat manieren dat
tet ware in goeden trouwen. Yoirt waer dat zake dat yement
binnen desen termine in der coopmanne huse voirscr. quame
er.de hem opsegghen woude dat si der pande hadden, des die
coopmannenhoer ghesellen of haer ghesinde niet en hadden
noch niet of en wisten daer of willen wi dattie coopmanne
hoer ghesellen ende hoer ghesinde moeynisse of verdraghen
bliven bi horen eede iof hoerre enichs eedc sonder meer ver-
soecs van den ghenen te doen die over hen claghede. Ende
wi hebben den voors. coopmannen haren ghesellen ende al
haren ghesinde ghegeven ende gheven macht over al in onsen
porten steden ende landen wapen te draghen bi daghe ende
bi nachte hoe ghedaen si willen ende hen ghenoecht sonder
enighe calengieringhe van ons of van yemende van onser we-
ghen. Ende boven alle desen hebben Wi ghegheven den voirs.
coopmannen horen ghesellen ende horen ghesinde twee jaer
termijns lanc om te wonen in onser porten ende lande voirscr.
sonder comanscep te doen also vrylic ende also quitelic als
boven ende beneden in desen brieve is besceiden van allen
zaken na den voirs. twintich jaren iof binnen den voirs. twin-
tich jaren als si henen sceiden wouden van onser porten voirn.
sonder ons chijns te gheven, in welken jaren si moghen inga-
deren hoer scult hoer zaken ende hoere comanscepe, behou-
delic dien dat si sijn sculdich te doen weten den wtganc van
den termine als si sceiden wilden wt onser porten vorser, tot
alle den gnene die pande hadden in der coopmanne huse voirscr.
dat si quamen ende losseden hoer pande, ende alle die pande
die hem dan bliven sullen na die voirscr. twee jaer. Wi
begheren ende willen dat sire hore wille mede moghen doen
sonder misdoen tieghens ons of ieghens yemende van onser
weghen ende dan sijn Wi se sculdich te doen geleiden zeker