113
ghesellen ende horen ghesinde, ende dat si hen zeghelen zul
len hoer letteren van horen sculdaren ende zullen hen ordelen
ende recht doen na den vorwairden daer opghemaect. Ende
Wi willen oic dat ghene statute of ordinancie die de scepe-
nen ende die ghezworen van onser porten hebben ghemaect
of zullen maken binnen den termijn voirs. en moghen deren
verzwaren noch scaden den coopmannen vors. Ende tot alle
desen vorwerden vorghen. ende tot eiken van hen in suiker
manieren als si ghesceiden sijnghehouden ende ghevisiert
boven ende beneden also als voirscr. is. In desen iegen woir-
dighen letteren hebben wi bevorwairt ende gheloven den vors.
coopmannen horen ghesellen ende horen ghesinde te houden
ende te voldoen wel ende ghetrouwelic den termijn wt vorghen.
sonder ieghens te gaen of te verbreken in enigher manieren.
Ende waret dat dese vors. coopmannen ofte enich van hen hadden
scade of deden cost of enige teringe hoe dat ware bi den ghe-
breke van onser vorwairden vors. of bi enigen van dien of bi der
daet ende scult van ons ofte van onsen ludendat gheloven Wi
hen te ghelden ende weder te gheven. Ende hebben geloift
trouwelic bi trouwen woirden tot horen wille ende bi horen
simplen segghen ende tot horen versoeke, iof des gheens die
dese ieghenwordighe letteren bi hen hadden sonder andere
proeve te doen. Ende tot alle desen vorwairden ende zaken
vors. ende eiken van dien te houde wel ende gheheelic, Wi
hebben verbonden ende verbinden onse goede ende onse oer-
goede ende onser nacomelingen Graven van Hollant ende van
Zeelant. Ende om dat alle dese vorwairden ende zaken vor
ghen4 ende elc van dien moeten sijn vaste ende ghestade ghe
houden, so hebben Wi dese ieghenwordighe letteren beseghelt
mit onsen zeghele. Ghegeven in den Hage des zaterdages
na onser vrouwen dach assumptio anno xcvii.
Archief IIIe. dl., le. st.
8
