159
rle wereltt mitt reyner conciencie te moegen verantworden maer
doer dyen datt godtt de heere sulox voor deese reyse nyet en
heeft willen ghedoeghen vinden zy hen ghedwonghen wel ende
ghenonchtt jeghens haeren danck omptt verloop vanden tytt
deselfde vaertt voor deese mael te moeten laeten steeken doortt
belett vantt ijs oorsaecke de harde ende weenich ghehoorde lanck-
gedureghen vorst die ditt jaer alhyer als sy door informatie
verstaen ende ooghenschijnlicken selfs best ondervonden hebben
seer groott ende uytnemend geweest is, Twelck al te samen
wel ooverleyt ende ghedilebreertt hebben ende vinden gheen bee-
ter middelenals nootwendich ghedwonghen dan mitten eersten
weer ende beqwamen wyntt weeder ghelyckelicken mitt deselfde
ordenninge alsoo ghecommen sijn haeren cours te neemen naer
huvs toe mitt aller vlitticheytt mooghelyck synde om hen voor
de aenstaende vorst die men alhyer van uhere tot uhere ver
wachtende iste bevrijën ende de scheepen mitt godts hulpe
voor alle perickelen des winters in behoudenes te brenghen dewyle
datter anders gheen middelen voor deese mael goett ghevonden
connen worden die tott eenich beeter voordeel streckende syn.'"
n Prottestere voor godtt ende alle de wereltt intt tselfer ghe-
daen te hebben ghelyck als zy wilde datt godtt mitt haere siele
ende salicheytt doen wil, ende ghelyck als sy hoope ende ver
trouwen van een yder die hem vergeselschaptt hebben mitt
rechter waerheyt nyett anders geseyt noch ghetuicht sal moe-
ghen worden als sy hem gewillichlyck submitteren tallerstonden
te willen verdedeghen nodich synde ghelyck tselfde breeder
ende copieuser verhoortt sal worden by de verbalen ende annou-
tatie die een yder intt partycolyer sonder comunecatie van an
dere daer van ghehouden heeft ende om datter gheen dissordre
ofte naclappinghe tonrechtt verbreytt werde tott achterdeel ofte
verminderinghe van de gheene die hen soo vrijwillich in alle
perickelen ghesteltt hebben tott onses vaderlants eere ende avan-
cementt ende daerdoor van haere ghemeritteerd loon berooft
soude moeghen worden soo hebben sy tott haerder beweringhe
daeriu eendrachtelick in tyts willen voorsyen ende daerom dese
