86
heeren prelatendie mede te winnene ende te verliesene hadden.
Ende dese dachvaert was gheleyt tErdenborcli omme daer tsa-
men te sprekene van dei' zake voirs. Daer was de procureur
gliesonden met lier Jacop Maes ontfangher voirs.
Idem daer te Erdenborch waren diversclie vergaderinghen ende
tusscbensprakenmaer emmer midts den wederleggliene vanden
voirs. IIII ledenmet vele meer redenen etc. Ende was daer
gheseyt al ware zoo datmen eenen waterganc maecte alsoo daer
ghenouch glieordineert was vanden sommeghen zoo nes nie-
mant zoo wijs no zoo vroet die soude connen ghesegghen oft
profiteeren soude den voorn. Zwinneoft en soudemaer duch
tende de meeste menichte neen. Ende soude zwaren grooten
cost zijn sonder ende welke costen ware te duchtene alle
verlooren zijn souden. Ende dat meer ende quader ware ende
zeere ter avontueren staen zoudedat dat gliemeene landt daer
betrent in naer commenden tiden ghescepen ware te verdrinc-
kene want twater vander zee daghelijcx ghenouch dlandt win
nende es, al en gheeft men haer ne glieen plaetse meer dan
ziere heeft etc.
Item waert zoo als die commissarijsen wel meenden ende
dlandt bedolven gheweest haddeOostborch zoude een eylandt
gheworden hebben ghelijc Gasantrondt ommestaende in de
zee, maer te dien tijdt bleef de sake staende blendt ende on-
ghesloten. In de welke reyse de procureur was hute III daghen
met dat hij tErdenborcli was.
Item daer naer soo hebben meer diversclie dachvaerden van
der selver saken ghehouden gheweest te Brugghe, daer de pro
cureur voirs. oic gheweest heeftdies hij gheen costen en rekent
midts dat hij daer was omme de saken jeglien die ghelanden
van die van Nieumunsterwaer of vooren gheseyt es etc.
Nota de selve sake es altoos bleven staende sonder voort-
ganc te hebbene int an legglien vanden wercke.