150
Up welcke antwoirde beroerende de voerscreven penningen,
de hemluyden tot een leeninge gesendt waeren, ende de lee-
ninge, de zyelieden myt haeren vrienden oick doen zouden,
ick, replicerende, geseyt liebbe, dat die laste van Keyserlijcke
Majéstaet ende van den. hove soe groote ende zwaer geweest
hadden ende alnoch waeren, dat daer geen gelt en was, ende
dat men oick geen en coste gecrygen dan op financiënende
dat zye tselve behoerden aen te mercken ende nemen de voer
screven leeninge myt de laste van de voerscreven financiën in
dancke myt andere diversche middele. Maer wat remonstrance
ick hemluyden diesangaende gedaen hebbeen hebbe nyet conen
proffyteren, overmits dat zyelieden altoes persisteerden geen
financiën te willen betalen om de redenen, boven gementioneert.
Angaende de IX stuyvers ommegeslagen ende de zye noch
omslaen wilden, zeyde ick, dat zye gehoert hadden de brieve
van commissiën, de ick hemluyden hadde vertoent ende voer
doen lesen, ende daeruuyt mytgaders uuyt myne propositie
genouch verstaen hadden tconcept, guede meninge ende be
liefte van mijn Gnadichste Vrouwe, daernae my dochte, dat
zyeluyden hem wel behoerden te reguleren, voer soe voele
alst mogelijcken soude wesen etc. Ende alzoe zye altoes per
sisteerden by tvoerscreveu propos, soe heb ick hemluyden ge
seyt, dat ick gaerne daeraff wilde adverteren mijn heere den
greve van Hoichstrate twelck ick gedaen hebbe des an
deren daghes by mijn beslotene brieve etc.
Ende aengaende tvoerscreveu schot, heb ik hemluyden ge-
antwoirdt, dat ick daeraff geenen last en hadde, oft men
tselfde geven soude oft nyet, maer indien daer questie up
viele, dat men daeraf soude moghen toe kennen geven, daert
beboeren soude ende gewoentelijcken was etc.
Ende hebbe niettemin hemluyden geseyt ende belast, dat
zye ende elok van hemluyden, voer soe voele alst hem an-
ginck, myt alle naersticheyt daeran wilden wesen, dat tlandt
i) Stadhouder van Holland, Zeeland eu Ütrecht.