15-2
tenselven tjde ebbe was. Ende die voerscreven dijck van
tlant van Schouwe, streckende, soe voerscreven is, van de
zuytzyde van de havene zuytwaert up tot Scbelhoick toe,
hadde oick tot vier plaetzen deur geweest, maer was weder
gestopt, sulcx dat een gemeen vloet daeraen geen quaet en
sal conen gedoen, soet scheen, ende zoe de voerscreven dijck-
grave ende heemraiden oick zeyden. Ende rydende van Scliel-
houcke westwaert up omtrent een vierendeel van een mvle tot
een plaetze genoempt Roede, hebben wy gesien, dat daer de
dijck oick op een plaetze deur geweest hadde, maer was oick
weder gestoptende waeren daeran noch veele luvde werckende.
Rydende van Roodee voert westwaert up, zijn wy gecomen an
de Weldamsche wech, daer tprincipael inbreeck ende een groot
gat geweest haddetwelck oick was gestoptende waeren oick
noch veele werckluvden daerop zeer arbeydende. Sijn voert aen
gereden tot Serootshaven, daer de dijck te twee plaetzen deur
ende noch ongestopt was.
Maer alzoe int jaer van zes ende twintich daer eene inlage
gelecht was, overmits de sorge*van grontb(r)eckesoe en compt
dwater, deur de voerscreven gaete loopendenyet verder dan an
den voirscreven nyeuwen dijck, sulcx dat tlandt van Schouwe
duer de voirscreven gaten onbevloyet blijft. Ende is tlandt
liggende tusschen den voerscreven ouden ende deurgebroken
dijck ende de nyeuwe inlaege groot omtrent LX oft LXX
gemete, soe den dijckgrave dunckt, daerinne staet een kercksken
genoempt Symonskercke.
Ende zeyt de voerscreven dijckgrave, dat de nootelijckste
wercke eerst gemaickt zijnde, men roupen sal de daerover be
boeren geroupen te wesenom dan toverleggen myt malcan-
deren, oft men de voirscreven twee gaten weder stoppen ende
de LX oft LXX gemeten myt tvoerscreven kercksken weder
bedijcken sal, twelck hem wel dunckt oirbaerlijck te wesen.
Ende hebben gesiendat in den voerscreven ouden gebroeken
dijck, westwaert van de voerscreven gaten, lagen twee sluysen
die noch goet zijn, soe de dijckgrave zeyt. Maer de voer-
