166
veele beesten verdrencktzoe ons de inwoenders zevden; ende
saiglien oick verdroncken beesten ende veele corens liggen
dryven an de dijcken. Ende naedat wy int dorp by de kercke
ten huyse van den scout gecomen waeren, hebben wy den
voerscreven schout myt eenige schepenen ende andere, daer
present wesende, van evgenaers ende inwoenders getroest tbeste
ons mogelijcken is geweest, zye exhorterende tot reparatie van
de voerscreven dijcken, soe voele alst hemlieden mogelijcken
zoude wesen, daertoe wy zye genouch willich gevonden hebben
maer persisteerden, dat van nooden sal wesen de voerscreven
inlaege te leggen, ende zeyden, dat zye mitter tijdt gaern
tbeste myt malchanderen willen doen, maer dat zye wel hulpe
behoefden overmidts haerluyder groote armoede.
Tenselven daighe zijn wy van daer gevaren myt een schuyte
tot in Sainte-Anuenlandt, daer wy den rentmeester ende eenige
gesworen ende schepenen gevraecht hebben nae de gesteltenisse
van denselven lande, die ons ter antwoerde gaven, dat tvoer-
screven landt in geweest liadde tot XVII plaetzen, ende dattet
weder geverscht was, ende dat de voerscreven gaten besteedt
waeren up te maicken, ende zouden costen omtrendt vier-
hondert ponden grooten, behalven die andere gebroicken gaten
die nyet ten gronde afgebroken, maer van binnen ende van
buyten gebroeken waren, ende men mitter tijdt weder maken
zoude.
Seyden oick, dat an tvoerscreven landt liggen twee pol
deren, teen genoempt Ilannevertzdijck, ende licht an de noirdt-
weestzyde, groot omtrent IIII°LXX gemete, tander genoempt
Mockerschil, ende licht an de noirdtzyde van tvoerscreven
polderkenwelcke polderkens beyde inne ende noch onge-
verscht waeren, maer zouden mitter tijdt geverscht woirden.
Ende zullen de dijcke van den voerscreven twee polderkens
wel costen weder te repareren VIII0 ponden grooten Vlaems
ende meer, soe de voerscreven luyde seyden.
Upten XVen Decembris hebben de baillieu van Zyerikzee,
Jan Cornelissen, rentmeester van Duvelandt, ende eenige