169
Encle alsoe de andere lande van Beoister Schelt, de inne
geweest hadden, meest al weder geverscht waren, ende dat een
yegelick poochde zijn dyken te repareren, soe de vorsereven
rentmeester ende andere zeydensoe ben ick van daer gereyst
mytten voerscreveu rentmeester tot nae Bergen ende voirdt
nae Mechelen, daer ick arriveerde den XVI Len dach derselfder
maendt van Decembris. Ende hadde voer mijn vertrecken van
Zyerickzee den voerscreveu rentmeester, bailtieu, schout, dijck-
grave ende burgermeesteren van mijn meninge om weder toe
vertrecken geadverteert, begherende an hemluyden ende an een
yegelijck van dien tbeste te willen doen tot preservatie van
den voerscreven lande, presenterende, indien ick yet meer tot
profi'yte van den lande daer hadde conen gedoendat ick daer
gaern noch toe verstaen ende nae toeven wilde.
Aldus gebesoingeert ten plaetzen ende tyde voerscreven by my
(10. ff.) G. Muleht.