38
voirscreven aen onss ende onser abdiën vry ende loss weder
gecomen siin. Ende rechtevoertdoe dat gesciet was,byraede
van onsen mannen ende soe onss oeck redeliick dacht, ver-
coften ende verlyden wy Jacop voirseit dese viiff gemeten lants
voirseit, te houden hy ende sine erffgenamen van onss ende
onser abdiën tot enen gueden onversterflyken erffleen, mit
dusdaniger voirwerden dat Jacop voirseit off sine rechte erff
genamen na siinre doet jaerlix betaelen sail onss off onsen
gewaerden boeden binnen der stede van Middelburch up Sinte
Remigius ende Baeven dach viiff oude groet conyncks turnoyss.
Ende wanneer dat dit voirseide lant verschiint off verwandelt
wert, so sal ment versoeken aen onss off onsen navolger, abt,
die dan in der tijt is, binnen jaer ende dach mit dubbelden
pacht voir die heergewaede ende eerlyken dienst doenals daer-
toe behoert. Ende wanneer die abt des cloesters voirseit aflivich
off in eniger wiis verwandelt wert, so sal men dit voirseide
lant versoeken aen den abt, die dan in der tijt is, binnen
jaer ende dach mitter lediger hant ende eerlyken dienst doen
als dat behoert. Yoert waert saeke, dat Jacop voirseit den
voirseiden pacht alle jaer niet en betaelde, als voirseit is, soe
vervielen Jacop voirseit ende sine erffgenamen van allen recht
ende toeseggen, dat sy aen dit voirseide lant hadden off in
eniger wiis hebben mochtentot onss ende onser abdiën behoeff.
Ende waer dat sake, dat Jacop voorseit enick van den voir
seiden punten niet en hielde, als voirseit is, soe vervielen hy
ende sine erffgenamen desgelijcks van allen rechte ende toe
seggen desselven, als voirseit is, behoudeliick nochtan onss
ende onser abdiën ende elkermallick siin recli. Hier waeren
over ende aen daer dit gesciede
Item per mortem Jacobt Hicolai heeft Aüriaen,
sijn soen, dit ontfangen.
