75
geen volek gevonden wert. Ende werde beroerte alsoo gestilt
ende geëyndicht maer naerderhant heeft better veel gekost
haer leven, ofte moste uut de landen vluchten, die haer in
de wapen tegen de papen hadde begeven ofte int beelde stor
men mede besich geweest oft van de religen eenige kercken-
dienst gehadt hadden ofte die toegestaen.
Onder andere moet icker eenighe verhaelen, die zeer haer
doot van de borgers ende lieden beclaecht werdenals onnoo-
selijck daertoe cornmende. Het is gebuert ontrent Sobburch,
datter gecommen is een oude vrouwe ende siende ergens in
ofte ontrent haeren wech liggen een Marybeelt, dat zy soude
geseyt hebben: //ja lygdy daer, ick hebbe u dickwils metter
herten geslegen, nu sal ick n metter daet ofte metter hant
slaen", ofte diergelijeke woorden ende heeft haer pantoffel ofte
muyl genomen van haeren voet ende dat beelt geslagen, om
welck stick sy ende haer manzijnde schout vant voorschreven
dorp, gevanghen werden. Doch haeren man van de heeren
zijnde ontschuldich bevonden, hebben hem de heeren, sey men
dickwils geraden, hv souden willen stilJeges van steen afgaen,
ende syden: //commet int hof, daer sal de sentencie u ter
doot oordeele(n) ofte wysenende het sal dan u leven kosten
want omdat den man tliooft is van de vrouwe"; soo scheen,
dat den man soude ten lesten afgeghaen hebben, ende dat de
vrouwe soude geseyt hebben: //Wilt ghy mijn nu veriaeten?"
daerop den man antwoorde: //Neen ick, ick sal hier blyven
by u". Ommers ten eynde soo zijn zy beyde byeen gehan
ghen op den Mart hier tot Middelburch, de vrouwe eerst,
omdat syt feyt hadde gedaen. Den man, staende onder de
galghe, zijn ooghen opslaende, aensiende zijn vrouwe hanghen,
sprack//O, Nelle, Nelle, waertoe hebt ghy ons in ons
oude daghen ghebracht"; sijnde twee oude lieden, heel grijs,
soo ick se hebbe sien hanghennaedat sy al doot en gestorven
waerenen de sentencie volbrocht was want de kinderen,
gelijck ick was, niet weleer mochte(n) commen sien om de
oploopen, die in(t) dooden van sulke lieden toe geschieden
