46
denwelken hij zine leeftuchten, voetsel, ghemac, woenste ende
ruste alze tafelier int selve hof ende hospitael van sente Jans
liuus ten coste van den zeiven hove ghenomen ende ghehad hadde,
daerjeghens geweghen de cleene somrae van penninghen, die hij
den vorseijden hospitale daervoren betaelt hadde, daertoex) tconsent
in tcoepen van zinen brode ende leeftuchte int selve hospitael
thebbene bij hem gedaen, dat in alzo verren als bi der ghenade
Gods hij meinschelic leven ghebruucte zo langhe dat bij dien
tvorseide hospitael van hem ghelast ende verzwaert wesen zoude,
dat hij, alze dies niet willende dlast an zine consciëntie trecken,
danof denzelven hospitaele ghenougluloen zoude zijn vorseijde
brood van nieus weder coepende of andersins daerof vuldoende
alzo verre als redene bewijsen zoude;
ende omme dat te vulcommene in ontlastinghen ziere consciencie
ende bewaernessen de salicheijt ziere ziele, dezelve dheer Alexander
beselfende de cranckede zijns lichamen, de verre overledene tijt
zijns meinsclielix levens, de zekerhede van den verscheedene van
deser wareld ende de onzekerede van der tijd ende wile, omme
te vulcommene tghuendt dat vorseid es, in rusten ziere consciencie,
in vormen van wederlone ende restore van verledenen tijden ende
in vergheldene ende wederlone van zinen leeftuchten, voetsele,
woenste en rusten, die hem de voegheden, meester ende meeste-
rigghe 2) van den vorseiden hospitale van Sinte Jans huus bij
consente van ons als uppervoeglieden van denselven hospitale
gheconsenteerd, gheglieven ende ghewillekuert hebben zijn leven
lang ghedurende thebbene vredelic int selve hospitael, redelic
ende tamelic zonder eenich wederzegghen alzo den state van eenen
priester ende eerliken persoon betaemd, ten coste van den zeiven
hospitale ghelijc ende in der manieren dat de letteren, die daerof
heeft dezelve dheer Alexanders, besegheld uuthanghende met
onzen zeghele van saken, bed te willen verclaersen 3),
drough up aldaer bij goeder voorsienicheden ende met gewil-
lighen herte den voechden, meester ende ineesterigghe van den
voornoomden hospitale van sinte Jans huus in Ardenborgh, selfs
1) daarenboven in aanmerking nemende.
2) Regenten, en de overste van de broeders en overste van de zusters.
3) Verklaren, nader omschrijven.
