29
VII.
Laus deo anno 1601 adi 6 february in Middelborch.
Eersaeme wijse seer voorsiiinighe beer Clusius, fis een langhe
wijl geleden dat my alhier van Sit. Jasperduyn appoteker eenen
brieff is gegeven om te bestellen aen doctor Castaneda in
sevillen die by seyde dat van uwer E. was commende, den selven
brieff is hem door mijnen broeder oock behandicht dan noyut
geene antwoorde voor uwer E. vernomen, dan ontrent 5 oft 6
daegen geleden is hier geariveert eenen Claes Staes oosterevick 2)
daer ick brieven mede ontfanghen liebbe, daerby eenen voor Sit.
Jaques Nicolas Splinter in sgravenhaege dien ick van daege
aen hem ben sendende en noch eenen voor uwer E. die ick aen
Sr. Perduyn terstont naeden ontfanckx liebbe gegeven die my
belooffde den selven strax te senden soo dat ick niet en twyffele
oft is uwer E. voor desen behandicht. By den selven schipper
hebb ick als ghister avont ierst ontfanghen een cleyn houten
casken groot ontrent eenen voet int viercant met cruyden, den
schipper hadde my beloeft het casken terstont thuys te bestellen,
dan door het quaet weder van storm heeft hy niet eonnen op-
commen noch ick en hebbe aent schip niet dorven gaen, alsoe
hy lach overgheen syde van rammekens opt vlack, de cruyden
sijn al uuyter aerde geschoten geweest ende noch zijn, ende
naer dat ick can speuren al eenige daer van bedorven, de aerde
is soo hert bevrosen als een eeye want den schipper seyt dat
hyt somwylen mit soet waeter begoten heeft ende t casken beeft
in alle dees coude boven opt schip gestaen inde gaelderye ende
hy heeft wel 11 weken onder wegen geweest uwer E. can dencken
hoet geconditioneert compt, de rieten die der rontom tot be-
scherminge gestaen ende omgemaeckt waeren die zijn al gebroken,
my deert een vremde plante die als groenen vijgen 3) boven de
anderen staet, dat die gebroken is. Ick heb se tusschen twee
stocxkens opgerecht ende gebonden, het boomken datter neffens
staet is al sijn looff quyt ende naer mijn duncken bedorven, want
1) Dr. Joannes Castaneda, geneesheer te Sevilla in Spanje.
2) Claes Staes van Oosterwijk.
3) Ficus indicus. (zie den tweeden brief van Jacq. Noieot.)
Archief 192-5 9