183
dairan nyeuwelix geannexeert, ende mitten polders dairtoe
behorende mitter hoger justicie, middel ende laghe ende mit
allen vervallen, profyten, heerlicheden ende emolumenten
dairtoe behorende alse bailiu, scout, burgemeesteren ende
scepenen te zetten om eiken recht ende wet te doene,
hun luyden te geven auctoriteit assisen van biere ende van
wine by my te stellen ten proffite ende oirbair van my
ende van der stede sonder elders oirlof te vragen, it. kueren,
statuten ende ordinancien te maken om 't welvaren van der
stede ende van allen ambochten, neringen ende alle andere
smale diensten, dienende ten proffite van den inwonenden
jegenwoirdich ende toecomende te disponeren, vrij van allen
costen, van den erfnissen, tienden, ambochten, gedyct ende
ongedyct, zeedrift, hazen, conynen ende alrehande wilt, die
nu dair zyn ende ymmermeer anwerpen mogen, moelenen,
veeren, haven, havengeit, havendyck ende al datter hoger
justicie toe behoirt ende dat een leenhouder van suiker
qualitevt behoort te houden, die welcke voirs. stede ende
heerlicheit mit haeren toebehoeren jairlix mach wairdich zijn
boven lasten ende oncosten daer wtgaende, dat een jaer
duer 't andre omtrent xiiiic der voirs. ponden van veertich
groten. Item die zes achtendeelen van der heerlicheit van
Abbenbrouck, die welcke ick te leen boude van der graef-
lieheit van Hollant tot eenen onversterflicken erfleene, mit
zyn andeel in Volgersdyck mit allen vervallen, renten,
profliten ende incomingen dairtoe beboerende alse tienden,
gorsdycken, putten, palinckbanck, lamtienden, jairschot,
maelrye, veer ende alle andere incomingen totter selver
heerlicheit beboerende also verre alst mynen voirs. andeele
roeren mach, ter cause van derwelker heerlicheit van Abben
brouck ende van Velgersdyck ick up mynen andeel hebbe
acht ofl thien leenmannen, elck van hunluyden van my
houdende drie of vier gemeten leens, diewelke mitten bailiu
aldair helpen houden ende bewaeren die justicie van allen