188
mitter duwaire van mynre huysvrouwe jegenwoirdicli van
iiijM vrancken tsiairs tot xviij skivers tstuck, maken in
ponden van xl grote gerekent iijMvj° In kennisse ende
getuge van desen overgegeven denombremente ende ver-
claringe voirscr. so heb ick mynen zegel hieran gehangen
up ten XX dach van Meye in 't jair duyst GCCC zes
ende tseventich.
Ic Bruninck van Bouschuysen certifiere ende make kond enen
iegeliken wyent behoirt, dat ick min en lieven heere van der Veere
van deze zijnen jegenwoirdigen brieve van denombremente ge
geven hebbe myn brief van recepisse, dairaf die teneur van woorde
te woorde hiernae volgende is: Ic Bruninck van Buschuysen, raid
myns geduchts ende souverains heeren's hertogen van Bourgoingne,
bewairer van zynre tresorie ende registren van Hollant, Zeelant
ende Vrieslant, doen cond allen luyden, dat myn lieve heere
die grave van (irantpre ende van Bouchain, heere van der Yere
ende van Zandenbuerch, etc., my up ten dach van huyden tot
myns voirs. geduchts heeren behoef overgelevert heeft eenen
openen, wthangenden, bezegelden brief van denombremente mit
zynen zegele bezegelt, dairinne verclairt ende gespecificeert staet
dit denombrement van alien zynen leengoeden, die hy zeyt te
leen houden van mynen voirs. geduchten heere als grave van
Hollant ende van Zelant, heere van Yrieslant ende van Yoorne,
om derselven brief by my besteet te zijn in die tresorie van
Hollant, dair men gelycke brieven gewoenlicken is te besteden,
welken brief ick sonder enige behalinge of prejudice van yemandt
ontfangen hebbe ende sonder oick enichsins wt die oude brieven
te treden wairt dat die oude brieven ende 't denombrement voirs.
nyet en accordeerden sonder argenlist, van welken voirs. brieve
van denombremente die teneur hierboven van woirde te woirde
gescreven staet. Des te getuge zoe heb ick Bruninck voirs. myn
handteyken hieronder gestelt up ten dach ende in 't jaer voirseyt.
BUSCHUIJSEN.
