190
heere van der Vere, als mambour ende getrauwet hebbende de
voirs. vrauwe Anna van Borssele, vrauvve van der Vere, voir hem
selven -ende oic haer vervangende als haer man ende kerkelick
voocht tot desen, aen d'andere ende hebben verclairt, gethoendt
ende bekend t, hoe dat omme pays, mynne, vrede ende eendrachicheit
te voeden ende te onderhouden, sonderlinge omme te scuwen ende
te nederleggen de groete ende zware questien, processen ende ge
schillen als apparand ende upwege ware te rijsen ende up te staen
tusschen den voirn. partien in de name en de qualiteyt als voeren
ter cause van den acten, contracten, cessien, overghiften, renun-
ciacien, constitucien ende transpoerten als de voirs. vrauwe Anna
van Borssele, vrauwe van der Vere, gedaen mach hebben tot
proffyte van den voirs. Adolph haren zoene oft anderen, welcke
acten, contracten, cessien, overghiften, renunciacien, constitucien
ende transpoerten met zekere condempnacien daernaer gevolget
d'eene der zelver partien sustineren wouden van weerdde wesende
ende d'andere van onweerdde te wesen, nair vele ende diversche
vergaderingen, spraken ende communicacien dairup geliadt ende
gehouden eerst binnen onser stede van Bruessel, dairnair binnen
deser onser stede ende dat eerst bij goeden onderwijsen ende
tusschenspreken van vele goede heeren, die zeere lief ende in
goeder werdden gehadt hebben den voirn. wijlen heere van Beveren,
oick lief ende in weerde hebben 't huys van der Yere ende vele
van hemlieden magen ende alle goede vrienden zyn van beyde
den partien ende die oic zeere begeerende zyn pays ende goede
vrientschap tusschen den selven partien te bliven ende geonder-
houden te werden, te wetene bij tusschenspreken ende onderwijs
van onsen harde lieven ende wel getrauwen neve heere Englebert,
grave van Nassou ende van Vianden, onsen stedehouder generael,
die voirs. heer van Maigny, onse cancellier, heer Willem van
Croy, heere van Chieuvres, heer Heindric van Wittam, heer van
Berssel, oic ridder van onser ordene, onsen raed ende eerste camer-
linck van onsen lieven ende beminden zoene, die hertoge van
Luxembourg, heere Jan, heere tot Montfort, joncheere Robrecht