19:2
heere van cler Vere, Westcapple, Domburch ende van Brauwers-
haven 't levenlanck geduerende van mijn voirs. vrauwe, zyne
geselnede, zonder prejudicie nochtans van den voirs. Adolph als
van der proprieteit hem toebehoerende zoe hiernaer geselt wordt
noch anderssins. Item dat de voirs. ioneheere Lodewyck zullen
toebehoeren alle de meublen ende catheylen, dewelcke myn voirs.
vrouwe, zijne geselnede geatimeerd heift totten dage van heden
toe ende wesende binnen den lande ende graefscepe van Zeellandt
tzij dat deselve meublen commen van barer zijde oft dat die ge-
conquestreirt hebben geweest bij wijlen mijnen voirs. heere van
Beveren, haer heere ende man. Item'de voirs. joncheere zal bliven
vrij, quicte ende ontlast van alle schulden, gemaict bij wijlen
mijnen heere van Beveren tzij dat die gemaict zijn voir zijn
huwelick oft binnen zijnen huwelicke niet begrepen in de voirs.
staten. Item de voirs. vrauwe zal hebben voir alle recht van
douarien ende insgelicx de voirs. Joncker Lodewyck voor zyn
provisie ende onderhoudenisse huer beyder leven lanck geduerende
ende de lancxste levende van hem geheel heffende de somme
van twee duysent croenen van achtenveertich groten vlaems tstick
tsiaers behoudelick emmers dat in dien 't gebuerde, dat de voirn.
Joncker Lodewyck der voirs vrauwe overleefde, behoudende eenige
kinderen van hem beyden gecommen zijnde, in dien gevalle
deselve Joncheer Lodewyck en sal mair hebben ende gebruycken
voir zijn tocht ende douarie zijn leven lanck geduerende de somme
van tweeduysent guldenen tot XL groten Vlaeras elcken gulden
gerekent, van welcker somme men hemlieden goede zekerheyt
doen zal up de voirz. stede ende lieerlichheyde van Vlissingen
ende andere landen in Zeellandt in der bester voormen, dat men
dat zal moeten doen ende in zulcker manieren, dat deselve myn
Joncheere redenen zal hebben des te vreden te wesen, welcke
heerlichede van Vlissingen ende andere landen in Zeellandt heer
Anthuenis die groete bastaert ende zijn eonsoerten in den name
ende qualiteyten als boven als nu voirdan dairinne ende voer
verbonden verobligiert ende realicke geypotequiert liebben bij