195
zoverre alst hem in de name en de qualiteiten als boven angaet
ende raect hebben in onse jegewoirdicheit beloeft ende beloefden
bij desen onder eer ende eed te volcommen, tach ter volgen, tonder-
houden ende te doen onderhouden alle de saicken, poincten ende
articlen boven geincorporeert ende gespeciffiert ende elck van
dien bysondere sonder dair jegens te doene noch gedoegen gedaen
te wesen directelick oft- indirectelick in eeniger manieren. Ons
versouckende dairom deselve partien ende elck van hem in de
namen ende qualit-eit voirn. int achtervolgen volcommen ende
onderhouden van al (tguent) hiervoeren verhaelt ende voirscreven
es by ons gecondempneert te wesen up heerlicke ende reale
execucie. Doen te weten dat wij gehoirt hebbende in onsen voirs.
groeten Raed 't versouckende begeerte van (den voirs.) partien
hebben denselven ende elck van hemlieden in den name ende
qualiteit als voeren tot hoerlieder voirs. versoucke ende by hueren
consente gecondempneert ende condempneren bij desen te vol
commen ende onderhouden (tvoirscr.) vriendelick appointement
ende elck point ende article van dien hierboven geinsereert naar
zijne voorme ende inhouden up heerlicke ende reale execucie
behouden in al onse rechten ende hoocheyt. Des toirconden zo
hebben wy onsen zegel hieran doen hangen. Gegeven in onser
voirs. stadt van Mechelen den XXXen dach van der maent van
Januario in 't jaer ons heeren duyst vyff hondert ende een.
Op de vouw staat
By mynen heere den ertshertoge
Ter relacien van den Rade.
LETTIN.
