4
Heer, was stellende. Den welcken, opdat hij soude mogen winnen,
ende ghenade verwerven, seijde dat hij de weduwe ende onteerde
vrouwe, ter eeren wilde brengen, ende haer tot eenen geechte
wijve trouwen. Daer de vrou in 't eerste niet toe gesint en was,
ende en wilde den snooden dief van haer mans leven ende haer
eer, tot gheen man hebben, dan in 't lest door tusschen spreecken
ende ghestadighe aenporringhe van des Hertoogs Raets-Heeren
ende Hovelinghen (daer onder eenighe onghetwijfelt des Stadthouders
vrienden waren) worde sij soo wijde ghebrocht, dat sij haer liet
ghesegghenterwijl haer soo schoone conditiën voorgedragen
werden, ende de Hertoch oock selfs sulcx scheen te begheeren.
De houwelijkxsche voorwaerden werden datelijck beschreven bij
een Notaris: ende de Hertoch gheboodt dat sij malkanderen hier
op de handt souden ghevenende sprack tot den Stadthouder
Ghij Bruijdegom suit hier moeten toesegglien ende belooven, dat,
inghevalle soo ghij eerst komt te overlijden sonder kinderen, dat
dan dese uwe Vrou erfgenaem sal wesen van alle uwe goederen,
roerende ende onroerende, geen uijtghesondert, Daer de Stadthouder
in tevreden was, ende beloofde sulckx ghewillichlijck. Daervan
werden met kennisse van ghetuijgen, bij de Notaris brieven ghe-
maeckt. Dit aldus gedaen sijnde, keerde de Hertoch hem tot de
vrou, ende seijde: Seght mij, zijt ghij nu voldaen? Ja, antwoorde
de vrou. Daer de Hertoch weder op seijdeMaer ik ben niet
voldaen. Ende midtsdien heeft hij den Stadthouder buijten weten
van de vrouw, naar Zeelandt doen voeren, ende geboden, datmen
hem in de gevanckenisse, ter selver plaetse, daer hij de Man hadde
doen ombrenghen, oock rechten ende in een doot-kist leggen soude.
Doe is de vrou, nergens af wetende, derwaert ghesonden, daer sij
haer anderen man in ghelijcke ghestaltenisse ghevonden heeft, als
den eersten. Hetwelck haer wel onversiens overcjuam. Dan ick
achte niet dat dese rouwe soo groot was, als de voorighe wel is
geweest. Evenwel is sij korts daer naer sieck te bedde ghevallen,
ende ghestorvenmet haer tweede houwelijck dit ghewonnen heb
bende, dat haer kinderen van haeren eersten man door dese vreemde