69
voirscreven compaingnie te ontfangen voerdat men soude heb
ben gehadt het advys ende consent van die van Brabant, om,
tselve gedaen zijnde, alsdan te treden in voordere communi
catie met die van Zeelant, tot wekken effecte men soude
deputeren eenige van wegen zijne Genade, twee van den
Binnenraedt, twee van den Buijtenraedt, twee van den raedts-
lieden, ende eenige gedeputeerden van de gulden, die al
tsamen souden reijsen naer Zeelant aen de voirscreven Staten,
in der vuegen, dat de voirscreven heer Marcquiz voer dien
avont deselve acte nijet en laudeerde maer dede den secretaris
deselve ophouden tot des anderen daighs.
Tot wekken voirscreven daege mijnen heeren van den
Binnenraedt mij andermael hebben gesonden mette voirscre
ven acte aen mijnen voirscreven heere den Marcquiz, teneijnde
hem soude gelieven deselve te lauderen. hetwelck hij ook ten
langen leste heeft gedaen (nochtans nijet sonder swaricheijt,
deurdien hij insisteerde alsvoren) behoudelijck dat deselve
acte soude gestelt worden in aider mannieren als die hier is
volgende, dwelck ook eenige heeren hebben gelaudeert, deur
dien dextentie genouch een substantie is van het voirscre
ven slot.
Extract.
Is bij den voirscreven heeren comparanten bij recollectie
van opiniën ende vervolgh van de meeste gesloten, dat men
de compaingnie van heer Alexander van Haultain, gouverneur
van Walcheren, binnen deselve stadt sal ontfangen, soo wan-
naer zijne Genade met die van der stadt metter selven sullen
hebben gearticuleert. ende dat de voirscreven Haultain de
conditiën, daerinne begrepen, geloeft hebbende te voldoene
ende alsdan daervan overgelevert sal hebben behoorlijcke
brieven van verbande ende versekertheijt, onder tsegel van de
heeren Staten van Zeelant ende nijet eer. Actum den XlIIen
Julij '79 tot Bergen-op-den-Zoom.
Geëxtraheert uuijten sloten van den Breeden Rade van
Bergen voirscreven, gegeven ten daege, maende ende jare
alsvoren.