73
10. Dat de waeke ende ronden, soowel van de borgers als
den soldaeten, sullen geschieden soo den voirscreven heer
Gouverneur, capiteinen ende die van der stadt sullen ordon-
neeren bequaemste te wesen.
11Dat men binnen deser stadt egeene soldaeten meer en
sal doen oft laeten innecommen ten waere bij advyse van
onsen Genadigen Heere ende de voirscreven stadt ende dat
alleenlijck in tijden van noode, in wekken gevalle zij ook van
de heeren Staten van Zeelant voirscreven sullen betaelt ende
ontfangen wordden, op den voet van de voirscreven brieven
van verbande.
12. Dat alle fortificatiën ende wercken van oorloge sullen
wordden gemaect sonder cost oft last van de voirscreven
stadt ofte innewoonderen van dijen ende ondersaeten van
onsen Genadigen Heere, noch eenige huijsen demolieeren oft
affbreken, dan bij voergaende advys ende consent van deselve
zijne Genade ende die van der stadt.
13. Dat alle de sterckten ende bollewercken, buijten der
stadt te maekene, sullen wordden bewaert bij den voirscreven
soldaeten.
14. Dat alle borgers ende ingesetenen, willende vertrecken
in eenige van de geünieerde provinciën, steden oft plaetsen,
tselve met heuren goeden vrijelijck sonder contradictie van
iemanden sullen mogen doen, mits latende tot gerieff van de
voirscreven soldaeten een bedde met sijnen toebehoorten oft
anderssints borge souffisante stellende van tvoirscreven bedde-
goed van weke tot weke te betaelen.
15. Ende bij sooverre den almogenden Heere gelieffde,
dat de gedeputeerden vande heeren Staten wegen met sijns
Majesteits gesanten tot Cuelen in eenen peijs accordeerden,
oft ook den noot van den voirscreven garnisoene cesseerde,
sullen in sulcken gevalle de voirscreven stadt ende alle forten