94
goede lude voerschreven hiertoe doen sullen, dat willen wi
dat voertganck hebbe ende wale gehouden worde, sonder
ijemants wederseggen, ende waer dat sake, dat ijemant hier
jeghens dede, dat souden wi ane him houden als an den-
ghenen, die onse lant verderven wilde. Dit sal geduren tot
onsen wederseggen. In orconde etc. gegeven in Den Haghe,
des Manendaghes nae Sinte Lucas' dach Evangelist (19 Oc
tober) anno (13)55.
Jussu domini comitis,
praesentibus dominis
de Egmonde, barone, et
H. Popponis, praesbitro.
Jo. de Buren. Sig. Dominus
de IJsselsteijn.
Uit: Register L. E. 42 (Algemeen Rijksarchief), fol. 18 verso.
(Afschrift Rijksarchief in Zeeland.)
BIJLAGE II.
Graaf Albrecht voorziet in de zorg voor de dijkage van Walcheren.
1396 Februari 11
Aelbrecht etc. doen cond allen luden, dat wij verstaen
hebben, dat onse lant van Walcheren in groten vresen van
dijckaedsen staet op desen tijt tot den Westende des lands
ende andswair, sodat dieghene, die den dijc van rechten scul-
dich wairen te houden ende te maken, niet machtich en sijn die
te houden noch te maken, onse lant voorschreven en moster bi
verloren worden, dat wij ijmmer niet en meijnen te ghedoghen
om ijemants rechts, wille of vrihede, die hi dairjegen brenghen
mach, want wij onse lant voorschreven om nijemants een-
wille verloren laten en willen mar meijnen, dat dat ijmmer
ghedijct ende versekert sal worden, wairom wij bevolen ende
ghemachtighet hebben, bevelen ende machtigen mit desen
brief onsen lieven ende getrouwen den abt van Middelburg,
den heere van der Vere, heeren Claes van Borselen, onsen