96
BIJLAGE III.
Graaf Willem VI voorziet in de zorg voor de dijkage van Walcheren.
Omstreeks 1405.
Miin genadige heere van Hollant heeft van sinen rade
gesent up die dijcken van Walcheeren om tgebrec te overzien,
datter aen is, sodat miin heere daerom overdragen is mit sinen
rade van Hollant ende van Zeelant up desen tiit
Eerst dat elk dijcgrave bewaren sal in sinen bedrive, dat
men die gate, die in die dijcke siin, toedrive mitter meester
haeste, sodattet lant daerbi versekert ende bewaert sij. Ende
wairt datter enige versumenisse in geviele, dat woude miin
heere verhalen ende houden aen des dijcgraven live ende
goede.
Item sal mijn heere uter goede manne ordineren die van
siinre wegen een gemeijne dijckaedze setten sullen om den
dijck te hogen daers te doen is up desen tijt tot des lands
besten oirbaer ende als dat gedaen is, so sullen voirt den
dijck houden diegene, diene sculdich siin te houden ter tiit toe,
dat miin lieve heere, oft God wille, weder in den landen van
Walcheren gecomen sal wesen ende siin raminge ende ordi-
nancie daerof geseijt sal hebben.
Dit siin diegene, die miin lieve heere gesedt heeft die ge
meijne dijckaedze te bedriven als voirsproken is
Die abt van Middelburch,
Wolfairt van der Veere,
Her Claes van Borselen heren Aelbrechtsz.
ende een van den twien burgermeijsteren van Middelburch.
UitRegister V, Memoriale B. H., cas R, 14041406 (Algemeen Rijks
archief), fol. 110. Het afschrift van dit stuk dank ik aan het Algemeen
Rijksarchief.
