24
crijgen, behoudelijck, dat, aleer de voors. suppliant off zijne
erfven ende nacomelingen zullen mogen gebruijcken van den
inhoude ende beneficien van desen onsen octroije, zullen ge
houden wesen dezelve onsen brieff te laten registreeren in
onse kamer van de rekeninge voors. ten eijnde dat ons recht
tebat daerinne bewaert mach werden.
Ontbieden daeromme ende bevelen onsen lieven ende ge
trouwen die stedehouder, president ende luijden van onsen
raede ende rekeninge van Holland, voors. rentmeester van Be-
westerschelt in Zeelandt, bailliu van Middelburch ende Erne-
muijden ende allen anderen onsen justicieren ende officieren,
wien dit aengaen zal mogen, heuren stedehouderen ende een
ijegelijck van hen soe hem toebehooren zal, dat hij van deze
onze gratie, octroij, oorloff ende consent in der vougen ende
manieren ende onder de conditiën, vooren verclaert, doen laten
ende gedoogen de voors. suppliant zijn voors. erffven ende
nacomelingen rustelijck ende vredelijck genieten ende gebruij
cken. zonder henluijden te doen noch te laten geschijen eenich
hinder, letsel ofte moeijenisse ter contrarien. Want ons alzoo
belieft. Des t' oorconde zoo hebben wij onsen zegel hieraen
doen hangen.
Gegeven in onsen stede van Bruijssel den tienden dag van
Augusto int jaer ons heeren duijsend vijff hondert ende
twintich. ende van onsen rijcken te weten van den Room-
schen d'eerste ende van Castillie 't vijffste.
Op de ploije stondt geschreven Bij den Coninck in sijnen
Rade, die Grave van Hoochstraete, hooftmr., Jan Ruffault,
Tresourier-generael van de finantien ende andere jegenwoor-
dich, geteijckent Haneton. Opte rugge van deselve staet
noch geschreven Thooft ende tresorier-generael van de
domeinen ende finantien der K. M. van Roomen consen
teeren alzooverre als in hen is dat 't inhouden int witte van
desen volcommen ende volbracht zij gelijck in der vorme ende
maniere als die K. Mt. dit wilt ende beveelt gedaen te zijn
bij desen geschreven onder 't hantteijcken van de voors. hooft
ende tresorier-generael den 27en dach Augusti anno 1520.
Onderteijkent A. de la Laing, Ruffault. Ende opte ploije