51
draghen willen, ende dit weten wi wel ende hebd ondervonden-
Item, hebben wi wel ondervonden, dat achter dien dat
Willem Elfaert ghebannen was, dat Willem Elfaerds maghe
ende dat gheslachte van dien Steene been side pais sochten
ende maechten stillekine ieghen die maghe ser Willem filius
ser Boudijns als van den wanconste, die si hadden seghen die
van den Steene van ser Willems doot vorseit. Ende daer
suoeren si alle over een die vorseide wetten te crankene ende
dit daden si wel ten drien stonden of ten vieren.
Item, cortelike daer naer so gheviel dat Jan filius Pieters,
die burchmeester was ende wethoudere van Ardenburch, ver-
radenlike ghesleghen was bi clerken, di si daer toe ghecreghen
omme hare verranesse te bet te deckckene ende dat si hadden
in hare propoost ware dat sake dat die Ian ghevellet ware,
dat si alle ghevellet waren die van ambochte waren of die
hemlieden deren mochten, ende hiertoe so gaven si raed, helpe
ende daet. Ende eenighe waren so naer dat sire die manslacht
ende die moort saghen ende souden hem in hulpen hebben
ghestaen, hadden sijs nood ghead te diere tijd, also als die
persone, diet fait deden, in hare uterste wel verlieden.
Item, al was dat sake dat dit vorseide fait behoorde claerlike
ende gheheelike ende al te onser eerlicheden te berechtene,
so bevolen wi dit te berechtene der wet van Ardenburch,
behouden al onsen rechte nochtien, so ne hevet die vorseide
wet niet so berecht, dat wijs ons houden ghepaeit. Ende so wat
datter an ghebrecht, dat so willen wi vuldon ende namelike
omme die redene, dat die van Ardenburch gheene wet doen
willen.
Item, als diegone, die dese vorseide alloyance ghemaecht
hadden, saghen dat si met desen voorseiden pointen en faiten
niet voort ne mochten gaen, quamen si voor ons, daer wi die
wet vernieuden tote Ardenburgh in die woninghe, daer der
Willem filius ser Boudijns in wonende was, met haren con-
roten ende liepen ons der uppe ende onsen lieden met haren
quaden worden, omdat die wet niet vernieuwet was na haren
wille. Ende al so varinghe als wi uter stede ghevaren waren,
so sochten si alloyance ende accoord te makene an eenighe
Iiede van den commune van der stede omme ons ende onse
wet te ontheerne ende ghesceed te makene onder tfolc van
Ardenburgh, also als wi wel hebben ondervonden met onsen
lieden, die wi daer sonden omme dit besoec te doene. Ende
al es dat sake dat eenighe liede dit segghen ons ghebetert
hebben, eist een deel met haren goede of andersins, so ghe-
