52
leget daer ute noch meer baten, eist an leeke eist an cleerke,
die bleven sijn te onsen seghene gheheellike ende al.
Item, so sijn dese vorseide persone comen, sin si leeke of
cleerke, die hier voormaels daden seghen onse heerlichede
ende die wi hierof een deel ghepoingiert hebben ende die noch
hangghen in onsen segh ende ja mede die ghesuoren hebben
nemmermeer seghen ons te stekene ende haer leen goet van
ons houden. Ende hebben anderwaerven seghen haren heed
ende seghen die correctie, die wi ghedaen hebben ghesceed
ghemaect, die meentucht te hope doen lopen, ledichganc ghe-
maect, beckine ghesleghen, clocken gheluud, porten ghesloten,
lieden van buten hare wapine ghenomen, mercten verboden
ende ghetestord, pointinghen ende taeilien ghemaect, lieden
hare goet ontasseert dicken ende menichwarven haers ondancs,
hare wappine gheraemt ende ghetrect omme die wet ende
andre liede doot te slane, die wi sonderlinghe hadden in onse
bescermennessen, in die ieghenwordichede van onsen lieven
zone den grave van Naveers 1ende van andren onsen lieden.
Item, so hebben si raet ende ghesuoorne ghemaect die poort
mede te beleedene ende bi nachte haren raed ghead ende mede
lieden ghelt ghegheven ende belovet omme eenighe van onsen
porters doot te slaene ende vele andre articlen mede ghedaen,
die men wel ondervinden sal, ende mede so hebben wi ditte
al hemelike ondervonden ende noch so sullen wel, eist so dats
noot es. Ende dit so willen wi punieren bi onser heerlichede
bedienens, het ne hoort te gheere wet.
Ende van desen vorseiden dinghen hebben si voorhooft
ghehouden met clerken omme dat si van deser mesdaet micken
te ontgane bi den biscop-
Dit sijn die cleerke dies hem hebben onderwonden sonder
linghe boven andren lieden Pieter van den Damme, Jhan de
Preidere, Willem Blondeel, Weite Boeye, Bouden Coene,
Pieter Teil doude, Lippin filius ser Huges, Huge Eldecop,
Jacob die Vos, Pieter Aket, Dancaerd Spirinc, sijn broeder,
Jacob Grubbe, Arnoud die meester, Jan de Waert, der Ker-
stiaen die cantre, der Ian Curre, der Ian die Ram, der Bouden
Oesel, Willem Biese, Heine Teel, Pieter Capelle, Lambrecht
de Bloc, meester Eustaes die Backre, der Iacob sijn broeder,
Lambracht filius ser Huges, Willem Buckaerd.
1Nevers.
