22
Bijlage I
ORDONNANTIE VOOR DE LATIJNSE SCHOOL,
1 Januari 1681
REGULAE GENERALES IN SCHOLA LATINA GOESANA
OBSERVANDAE.
1Omnes discipuli tam in schola Rectoris quam Conrectoris
ante meridiem ipsa hora octava tempore aestatis et seminona
tempore hyemis praesentes erunt, sub poena notae exiguae, a
discipulis danda, et undecima exibunt et post meridiem ipsa
prima in schola aderunt, et quarta dimittentur.
2. Discipuli omnes libris necessariis, charta, penna et atra-
mento armati, et majores palliati aut togati, ad scholam venient,
et domum revertentur, sub poena minoris notae.
3. Quia timor Domini initium est sapientiae, 1. precibus
incipiendae et finiendae erunt institutiones 2. praeceptores ad
mores discipulorum diligentissime attendent, ipsosque ad pie-
tatem et omnes virtutes sedulo admonebunt.
4. Diebus Saturni ab hora decima ad undecimam catechi-
satio omnium discipulorum tam Rectoris quam Conrectoris, in
fundamentis religionis Christianae a Rectore sermone verna-
culo habebitur.
5. Discipuli omnes cum debita reverentia et obedientia erga
suos praeceptores sese gerent, et praeceptores gravitate, autho-
ritate et amore potius quam nimia severitate discipulos ad sua
officia stimulabunt et disciplina necessaria, ne sit nimis rigida
aut ignominiosa, sed cum prudentia ad emendationem adhibita,
6. Ingenium et memoria discipulorum multitudine rerum
ediscendarum, ut phrasium alphabetice collectarum aut varia-
tionibus aut aliis rebus inusitatis minime fatigentur sed potius
elegantiores et usitatiores sententiae memoriae mandentur.
7. Opera dabitur ut in omnibus classibus, excepta tyronum,
discipuli se assuescant sermoni Latino, et quidem puro et
terso at notae aut mulctae ob vitium sermonis, aut aliam
quandam negligentiam, ne sint nimis multae aut magnae, sed
discipuli potius loci victoria et honore ad sua officia moveantur.
8. Custos in utraque schola constituetur qui absentes, sero
venientes, vernacule aut barbare loquentes, aut in aliis rebus
nota mulctatos diligenter annotabit, et finita septimana mulctas
colliget, et pecunia, ex notis collecta, in pixide claustro obserata
servetur, et semel in anno discipuli, sub inspectione praecep-
tcrum, ruri cum curribus pecuniam illam moderae et gaudio
consument.