24
omnes feriabuntur sed pro mutatione de una in alteram
scholam aut classem, nihil omnino dabitur,
20. Discipuli libertatem obtinebunt, ut pro arbitrio paren-
turn in quacunque officina suos libros possint emere.
DISTINCTIO CLASSIUM, SERIES ET ORDO LECTIONUM.
I. In Schola Conrectoris duae sunt classes.
1In prima classi tyronum omnibus totius septimanae
diebus, ab hora octava ad nonam, ex Rudimentis et Epithome
Grammatices Vossii, suas lectiones, domi memoriae mandatas,
et vocabula quaedam, ex vocabulari domi etiam memoriae
mandata, et scriptis nitide exhibita recitabunt, et super ista
pro suo captu examinabuntur.
2. Post meridiem, ab hora prima ad secundam, idem facient
tyrones, quod ante meridiem, et post recitatas lectiones, domi
memoriae mandatas, novas domi discendas accipient atque
etiam quaedam themata faciliora, domi componenda et nitide
exscripta, sequenti die praeceptori tradenda.
3. In secunda classi ab hora nona ad semiundecimam,
omnibus totius septimanae diebus 1themata discipuli, domi
composita, scriptis exhibebunt 2. quae domi ex colloquiis
Corderii, Catonis distichis, Phaedro aut Terentio ex Latino
in Belgicum sermonem verterunt, scripto tradent 3. turn
suas lectiones ex grammatica, syntaxi aut Janua linguarum,
domi memoriae mandatas, recitabunt 4. deinde authores suos
explicabunt, ex illis grammatice et syntactice diligenter pro loci
victoria examinentur 5, et postremo themata legantur, et alta
voce notatis vitiis pro victoria loci corrigantur et nitide in libro
describantur 6. a media undecima ad undecimam singulis
classibus praescribetur, quid domi et post meridiem sit agendum.
4. Post meridiem ab hora secunda ad semiquartam disci
puli majores suas lectiones ex supra dictis libris, domi memo
riae mandatas, recitabunt, et partem ex suis supra dictis
authoribus, domi ex Latino in Belgicum sermonem versam,
explicabunt et diligenter ex illis lectionibus et versionibus
examinabuntur. Et a media quarta ad quartam thema domi
componendum accipient, et omnibus, quid diomi memoriae
mandandum aut vertendum, praescribetur.
5. Diebus Martis post recitatas lectiones, thema in schola
componendum accipient, et correctum nitide describent et
diebus Saturni lectiones, quas per totam hebdomadam didice-
runt, repetent. Posthea thema discipulis domi componendum
dabitur et quid vertendum et memoriae mandandum indicabitur.
