25
II. In schola Rectoris duae sunt classes.
1. In prima classi, omnibus diebus septimanae, ante meri
diem ab ipsa hora octava ad semidecimam, occupati erunt
discipuli 1In recitatione lectionum, domi memoriae manda-
tarum ex Syntaxi, Prosodia, Epithome Rethorices Vossii et
Commenii Janua linguarum 2. in versionibus ex Terentio,
Erasmo aut Curtio domi scriptis, Rectori tradendis, et postea
authores explicabunt et super illos grammatice, syntactice et
rethorice pro victoria loci examinabuntur 3. in exhibendis
thematibus, domi compositis, quorum vitia a Rectore alta voce
notabuntur etiam pro victoria loci, et postea corrigentur et
nitide in libro describentur.
2. Post meridiem in prima classi omnibus hebdomadie
diebus ab hora prima ad secundam 1discipuli lectiones,
domi memoriae mandatas, ex Rudimentis Graecis, Ovidio et
progymnasmatibus recitabunt. 2. ex iis pro subjecta materia
in Graecis, et prosodice examinabuntur et Graece pingendo
et legendo se exercebunt.
3. Diebus Martis post recitatas lectiones, domi memoriae
mandatas, thema in schola componendum accipient, cujus
vitia pro victoria loci notabuntur, et deinde corrigentur et
thema dabitur domi componendum, atque etiam carmina
quaedam invertenda. Diebus Saturni lectiones per totam heb-
domadam memoriae mandatas denuo domi memoriae impressas
repetent et quaedam ex suis authoribus in schola vertent, et
pro loci victoria exponent materia pro scribenda epistola
discipulis dabitur, et quae ipsis domi agenda indicabitur.
4. In secunda classi omnibus diebus septimanae ante meri
diem ab hora semidecima ad undecimam occupati erunt
discipuli 1in recitandis lectionibus, domi memoriae mandatis,
ex Rhetorica Vossii aut ex Logica Burgersdicii 2. in exhi
bendis thematibus, domi compositis, alta voce demonstratis
vitiis, quae pro loci victoria corrigentur et nitide in libro
scribentur 3. in explicandis authoribus Justino, Salustio,
aut epistolis et orationibus Ciceronis, et super ilia accurate
rhetorice et logice examinabuntur.
5. Post meridiem in secunda classi, omnibus septimanae
diebus, ab hora secunda ad tertiam discipuli occupati erunt
1in recitandis lectionibus, domi memoriae mandatis, ex
Grammatica Graeca Vossii 2. in expositione Novi Testamenti
Graeci aut Fabularum Aesopii, in quibus se domi prius
praeparaverunt 3. in explicatione Virgilii aut Horatii, ad
quam etiam se domi praeparabunt, et de illis omnia diligenter
Graece, rhetorice, logice et poetice examinabuntur.
