46
gelijcke moeten wordden gedaen, sal men daervan overleveren
auctenticque cedelen, inhoudende goede specifficatien van den
stoffen, daerinne verbesicht, ende den prijs, die deselve stoffen
sullen gecost hebben, met oick pertinente quitantien, oft men
zal deselve op goede, scriftelijcke conditiën den minstdoende
behoorlijck mogen aenbesteden, ende gemaect zijnde, sulcx
oick doen opnemen ende betaelen in manieren, als voor-
screven is.
(13). Item, wanneer yemandt sijn landt vercoipt oft vertiert,
tsij in geheele oft in deele, sullen de coiper, vercoiper ofte ver
tierder gehouden wesen de grotte ende bepalingen oft gele-
gentheyden van den vercochten lande over te brengen in
handen van den secretaris van der heerlicheyt, daer dat onder
is gelegen ende resorterende, om tselve te schotboeck te stellen,
daervan hij ontfangen sal tot laste van den coiper voer elck
gemet twee gr. VI. eens. Ende schoutetten, schepenen noch
secretaris en zullen nvet passeren oft daer over staen daer
anderssins ennich landt opgedragen oft vertiert sal wordden,
op de pene van telcke reyse vijff sc. gr. VI. bij elcken van
hen te verbeuren tot des dijckgraven ende geswoorens
proffijte.
(14). Item, oft den dijckgrave bij advyse van geswoorens
ennighe arbeyders in andere luyden werck stelde, ennighe
bestedingen oft wercken hen besteden, ende dat zijluyden bij
den eersten aennemers oft arbeyders uuyten werck gesmeten
oft gedreycht wordden, twaere met woerden ofte met feyten,
dat zulcke persoonen zullen wordden gecorrigeert sonder simu
latie bij vonnisse van schouth ende schepenen.
(15). Item, nyemandt en zal moegen aen den dijck mae-
cken ennighe aprellen oft stoepen dan bij consente, advys ende
expresse ordonnantie van dijckgraeff ende geswoorens, opte
pene van den dijck weder te moeten vullen ende maecken in
zijn oude grotte ende verbeurte van twintich sc. gr., deen helft
tot des heeren, daeronder dien gelegen is, ende dander helft
tot des dijckgraven ende geswoorens proffijt.
(16). Item en sal nyemandt ennich dijckwerck haelen
naerder den tee<n> van den dijcke dan 18 voeten, opte boete
van thien sc. gr. VI., te verbeuren tot dijckgrave ende ge
swoorens proffijte.
(17) Item en sal nyemandt ennige specdammen beroeven
moegen, opte boete van vijff sc. gr. VI.
(18). Item, soe wye dijck met dijck maect oft onbehoir-
lijcke aerde daerinne brengt, sal oick verbeuren de boete van
vijff sc. gr. VI.