47
(19). Item, sal de dijckgrave omganck leggen op alle
middeldijcken, watergangen ende wegen, als hem goetduncken
zal buyten de vrijheyt ende dorpen, als voorscreven is.
(20). Item, alle buytendijck ende middeldijcken sullen ge-
maect wordden met vreemder aerde ende alle watergangen
zal men zoe scoen maecken tot love van geswoorens ende men
sal geen doode beesten laeten liggen op dijcken, noch wegen,
opte boete van gelijcke vijff sc. VI.
(21). Item, alle heulen ende sluysbermen, daer men over
rijden moet, sullen geaerdt wordden eenen voet van drooger
aerden boven de plancken ende so... achter, ende alle wegels
ende wegen sullen wordden gemaect tleechste nae thoochste,
ende alle canter, sal men opsetten. Ende nae Sint Jan en zal
men egeene natte aerde opte wegen werpen dan bij consente
van dijckgrave ende geswoorens, al op gelijcke boete van
vijff sc. gr. VI.
(22). Item, de dijckgrave sal jaerlicx sijnen omganck hou
den op dijcken ende wegen des Sonnedaeghs naer beloecken
Paesschen ende sal dyerste boete wesen drie gr. ende de
tweede sess gr., de derde reyse zal de dijckgrave daerinne
treden ende winnen de penningen inne achtervolgende dijck-
graven recht, vooren gedeviseert, ende sal sijnen ban mogen
leggen op alle quade ende onloeffelijcke slaegen soe dickmaels,
alst nut ende prouffijtelijck sijn zal.
(23). Item, soe sal men die aerde, die men uuyte water
gangen doet, halff opten wech ende halff opt landt werpen,
gelijck dat de maniere is, tenwaere oft de wegen meer van
doene hadden.
(24). Item, aengaende de visscherijen sal men bevischen
achtervolgende de oude ordonnantye, tenwaere dijckgrave
ende geswoeren anders prouffijtelijcker dochte ende tot minder
schaede vant gemeen landt, opte boete die daerop staet tot
proffijte van dengeenen, die sulcx begaen.
(25). Item, nyemandt en zal moegen leggen ennige vis-
corven. fuycken oft weelingen in ennige sluyssen, sluysvaeten,
bannewateringen oft dijckslooten, opte verbeurte van deselve
fuycken en<de> corven ende gelijcke boete van vijff sc. gr. VI.
(26). Item en sal men geen schepen oft schuyten leggen in
de sluyskillen, op gelijcke boete van vijff sc. telcke reyse.
(27). Item, nyemandt en zal vermoegen in ennige becoerde
v/ateringen, cruyswegen oft schouwateringen, vlas te roeten
opte verbeurte ende pene voir dyerste reyse van gelijcken vijff
sc. ende voor de tweede reyse op gelijcke pene metten vlasse.
(28). Item, nyemandt en zal moegen laeten loopen zijn