65
alle die heersscippen off dieghene, die sij aldair van hoire-
wegen dairbi sullen senden ende andere, die sullen moegen
wesen bi der bestedingen, die men dairaff doen [sal]ende bi
der rekeningen, dat dat werck costen sal, om so wie dat minste
annemen wille te maken, dat die die naeste dairaff sal wesen op
sulke burchtouchte dairaff te doen, als dair onse dijcgraven
ende geswoeren tot onss lants behoiff an gehouden moegen
wesen, mer des so en sullen onse dijcgrave, geswoeren ofte
clerck ofte die heersscippen noch nyemant van hoire wegen
dat werck moegen annemen noch deel daerin hebben op die
verbuernisse van sulck geit, als dat werck costen sal, ende op
een boete van Ilc rijders tegens ons te verbueren. Ende dese
bestadinge sal men altijt doen sonder enige scolinge 1dairop
te setten. Ende off yemant anname enich werck, dat hij niet
verborgen en mochte, soe soude men dat werck bestaden tot
dattet verborcht waere in der manieren, alst voirs. is, ende
goude dan dat werck min, dat soude onsen gemeenen lande
te baten comen, maer goude dat werck meer, dat soude men
verhalen an denghenen, die dat werck yerst angenomen hadde
ende niet verborgen en conde. Ende in desen bestadingen so
sal onse dijcgrave mitten geswoeren die tijt nomen ende ordi
neren dairenbinnen dat men dat werck beghinnen, opleveren
ende volmaken sal, ende wanneer die wercluyde huer geit
hebben sullen. Ende wairt, dat dat voirs. werck tot dier tijt
niet volmaict en worde, soe soude onse dijcgrave dairin moegen
vallen van onsen wegen mit alsoe vele werckluyden, als den
geswoeren redelic duncken sal. Des so sal dieghene, die dat
eerst angenomen heeft, off zijn borghe den werckluyden be
talen alle wercke tot huerenwille off huere gemoede dairaff
hebben ende en doet hij des niet, so sal onse dijcgrave den
arbeyder selve betalen off zijn gemoede hebben ende vierscatte
dat weder inpanden op den nemer off zijne borgen, ende
dairaff sal hebben onse voors.2) dijcgrave sijn uutgeleyde
geit die een helft ende onse gemeene lant die andere helft.
(2>. Item, omdat onsen dijcgrave veel gebreckx valt in der
wateringen voirscr. van quader betalingen ende tot sijner uut-
geleyden gelde niet gecomen en can den arbeyder mede te
betalen, so sullen alle onse ambochtsheerscippen, elcx voir
1Komt in deze betekenis niet voor bij Verwijs en Verdam, Middel-
nederlandsch Woordenboek, VII kol. 627. In een rekening van het dijk
graafschap tussen Honle en Hinkelinge 1496/7 (Rek.-Fruin nr 737) wordt
vermeld„ende indien de annemers gebrecklick vallen hair werck te
maken ter eerster, He ende Ille schouwe, die verbuert telker reyse sulcke
boete als de gesworen dat ordineren, dat men scholinge hiet".
2) Hs. heeft dit woord boven de regel geschreven.