66
sijne prochien ende ondersaten, den dijcgrave wairseggen ende
betalinge doen van zijnen uutgeleyden gelde binnen XIIII
dagen nadattet uutgeleyt sal wesen, ende die stede van Reym-
merzwale voir huer gemeen poirteren. Ende hieroff en sal
nyemant quyte gaen, heersscip ofte andere, die enige eygen
erve hebben in der wateringen voirscr., dan elcx sal betalen
met-mets gelijck, mer des so sullen die heerscippen huer uut-
geleyde geit machtich wesen weder in te winnen mitten
scepenen in hueren ambochte, ende die stede mit1hoiren
scepenen binnen der stede na den dijckrechte, ende die heer
scippen sullen der poirteren lant, dat in hoiren ambochte
gelegen is, moegen leveren, ende die stede sal dairaff doen
als voirscr. staet. Ende off die heerscippen niet en betailden
binnen der tijt voirs., so sal onse dijcgrave mitten geswoeren
huer goede dairvoir moegen berijden als gewoenlic is. Ende
wair dat sake dat yemant van den heerscippen boven dat hij
bereden sal wesen cracht dede, so sal onse dijcgrave dat an
ons off onsen Raide van Hollant brengen, ende so sullen wij
hem sijn uutgeleyde geit weder doen geven ende dairtoe voir
sijnen cost so vele, als him bi onsen raide toegeset sal worden,
ende dan, so sullen wij bliven an alsulck recht, als onse dijc
grave van onser wege op den onwilligen gevoirdert heeft off
voirderen sal. Ende off hij gebreck hadde an onser stede van
Reymmerzwale voirs., so sal hij desgelicx doen ende wij sullen
hem doen betalen in der manieren voirscr. Ende als van den
quaden lande, dair wij onse schot ende onse dijcgrave sijn
uutgeleyde gelde niet gecrijgen en connen, so hebben wij hem
gegonnen van gracien wegen dat zij dat quade lant in den
Wilden moer alsoet behoirlic is gebosemt te wesen, gelijc dat
eerst bedijct was, ons leveren ende overgeven sullen des, so
sullen wij huer ambocht doen corten uut onsen boucken in
manieren, dat zij huer vrij desgelijcx corten sullen, off zij
moegen dat quade lant behouden ende betalen ons dairoff
onse schot mitten afterstalle ende onsen dijcgrave sijn uut
geleyde geit.
<3X Item, so sullen wij alle jaere ordineren twee van onsen
raide off meer die trecken sullen tusschen den eersten dach
van Maerten ende den lesten dach van Meye opter dijckaesen
voirs. om te oversien die ordinancye, die aldair gemaict is,
dairmede dat men dat lant sal moegen houden tegen den toe-
comende winter, ende 2of dairin niet also versien waere als
nutte ende oirboirlic waere voir onse lant voirs. 2), so sal dan
1Hs. had hierna eerst, doorgehaald hueren.
2) Hs. heeft de woorden van: ende, tot: voirs. in margine geschreven.