67
bi dien ende bi onsen dijcgrave ende geswoeren alsoe voirsien
ende alsulke ordinancye dairop gemaict worden als nutte ende
behoirlic wesen sal voir onse lant voirscr., ende 1onse dijc
grave mitten gesworen sal gehouden wesen alle jaere sijn
gebode te doen op den dijck voir halff Maerte ende terstont,
nadat die gebode geleyt sijn, so sal een ygelic sijn werck an-
nemen ende dat terstont maken off doen maken om, te vollen
gemaict na den gebode, voir sinte Jans dage te midsomer 2) dat
op te leveren. Wairt oick dat die dijck dan niet gemaict noch
opgelevert en worde, so sal onse dijcgrave dair invallen ende
doen den dijck opmaken bij den geswoeren ende dieghene, die
den dijck toebehoirt ende sculdich was te maken, sal dan den
arbeyder loenen off zijne gemoede hebben, ende en doet hij des
niet, so sal onse dijcgrave des arbeyders gemoede hebben ende
zijn uutgeleyde geit weder inpanden, als dat gewoenlic is.
Item3), alle die prochien, gelegen in der wateringen
voirs. ende die niet verhevent en sijn binnen VII jaeren lest
voirleden, die sal men verhevenen tusschen dit ende half Meye
naestcomende, ende dat dairenteynden doende te 4wesen van
VII jair tot VII jair5) na rechte ende cuystuyme van onsen
lande. Ende wairt dat hierin enich gebreck geschiede off dat
yemant enich wederstoet dairin dede, dat wouden wij an den
overhoirigen doen verhalen ende corrigeren als an denghenen,
die ons van den onsen vercorten woude, want wij overmits die
gebreke van der heveningen voirscr. van onsen schote ende
onse dijcgrave van sijnen uutgeleyden gelde groetelic dairbi
vercort worden.
<5X Item6), so en sal onse dijcgrave van ghenen wercke,
dat men in der voirs. wateringe out off nyeu maken sal, scho-
linge setten noch hebben, mer des so sal 4) hij, omdat hij gheen
profijt en heeft anders dan sijn ban ende boeten, hebben voir
sijnen cost ende arbeyt om den geswoeren ende clerck mede
te loenen van elcken gemete alle jaere twee engelsche, ende
die sal hij alle jaere hebben ende opbueren in die eerste reke-
ninge, die men van den lande doen sak
<(6X 7) Item, so en sullen wij noch onse nacomelinge gheen
dijcgrave setten, hij en sal een geboirtich eerbair goet man
1Hs. had hierna eerst, doorgehaald onse geswoeren ende.
2) 24 Juni.
3) Hs. heeft in margine, wel abusievelijk Ve artikel.
4) Hs. heeft dit woord boven de regel geschreven.
5) Hs. heeft hierna, doorgehaald toe.
6) Hs. heeft in margine, wel abusievelijk Vie artikel.
7) Hs. heeft in margine, wel abusievelijkVile artikel.