68
wesen, geboiren uut onsen lande van Zeelant, wail gegoet in
der wateringe voirs., ende dat niet te lijve geven noch laten
beleenen mit eenigen gelde. Ende sullen oic dieghene, die:
voirtan onse dijcgraven wesen sullen, enen eedt doen dat zij
op onse dijcgraefscip gheen geit gegeven noch geleent en
hebben bij hem noch bi nyemande anders. Oick, so sullen zij
zweren, als zij den dijck annemen, dat zij onse lants oirbair
doen sullen sonder hemselven in eniger manieren dairin te
soucken. Ende wairt sake, dat wij bij versuymenisse off ver-
ghetentheit yemant onse voirs. dijcgraefscip bevalen boven
dese ordinancien, soe en sal men nochtan niet gehouden wesen
dien dijcgrave mit onsen brieven, die hij alsoe vercregen hebben
sal, te ontfangen, ende dieghene, die dat alsoe vervolcht heeft,
en sal after die tijt tot ghenen dagen dickgrave wesen moegen
in onsen lande van Zeelant. Ende des, so sal onse dijcgrave in
der manieren voirs. enen onderdijcgrave moegen setten, die
hem genougen sal, hij sij geboirtich off ongeboirtich, om onse
voirs. dijcgraefscip te regieren in aire manieren, als andere dijc
graven voir hem gedaen hebben ende desgelijcx so sal hij die
gesworen moegen nemen, zij sijn geboirtich off ongeboirtich.
<7>. Item, om oirbair van onsen dijckaedsen voirs. ende
overmits dat dieghene, die breetste dairin gegoet sijn, behoirlic
is te weten hoe dat die dijckaedse geregiert ende bewairt wort,
so consenteren wij van graden wegen dat here Jan van Cru-
ningen mit den sijnen, onsen dijcgrave, nomen sal enen per
soen, nutte ende oirbairlic wesende, tot geswoeren in der
wateringen voirs., desgelijcx here Florys van Haemsteden twee,
die here van Lichtervelt een, die rentier van Crabbendijck
een, Adriaen van Reymerzwale mitten zijnen een, Jan van
Haemsteden mitten sijnen een, Jan Henricx zoen van den
Oisterlande mitten sijnen een, ende die stede van Reymerzwale
twee, welke personen, genoemt sijnde bi den heersscippen voirs.,
onse dijcgrave eeden ende setten sal geswoeren te wesen mit
anders dieghene, die hij dairtoe van onsen wegen geswoeren
te setten heeft in der wateringen voirscr. een jair lang ge-
duerende, ende die alsoe voirt van jaere te jaere te vernuwen
ende te vernomen, ten waere off dieghene, die dairaff genoemt
zijn ende onsen dijcgrave nutte dochte, dat zij bliven souden,
soe soude men die dan dairtoe laten blijven ende weder van
nyeus eeden in der manieren voirscr.
<8). Item, soe en sal nyemant van allen den heerscippen
offte die edele, die in onse voirscr. wateringe gegoet2) off
1Hs. heeft dit woord boven de regel geschreven.
2) Hs. had hierna eerst, doorgehaald: sijn.
