69
geseten zijn, op onsen dijcgrave ofte gezwoeren keeringe doen
moegen om eniger geboirten 1off edeldoms wille. Ende so
wie dat dede, die soude verbueren so dicke ende menichwerven,
als hij dairtegen ghing, een boete van XX rijders, ende nochtan
en soude onse dijcgrave mitten geswoeren dairomme niet laten
enich recht te vorderen, ende so wes hij op dien vorderde, dat
sal stat houden ende van wairden wesen gelijc off dair gheen
keeringe op gedaen en waere.
<9\ Item, so en sal nvemant gheen werck nemen buyten
dijcx naerder dan on XVIII voeten van der uterster setsoeden
op een boete van III 1b. te verbueren also dicke, als hij dat
dede, ten waere off den geswoeren dochte dattet nutter voirder
genomen waere.
(10y. Item, so wanneer men binnen dijcx aerde neempt, so
sal men van IIII roeden tot IIII roeden enen hevendam laten
liggen een roede breet ende die niet verminderen noch min
dammen laten liggen dan voirs. is, op een boete van X lb.
te verbueren.
O IX Item wairt, dat iemant gebreck hadde an sijn werck
soeden te halen, die sal se moegen nemen ende halen ten
naesten gorsse als dat behoirt dair him dat best gelegen is,
tgemet om III lb. zwerten. Ende behoift yemant enige aerde
binnen dijcx, die sal se moegen nemen dair se hem best gelegen
is tot scattingen van den geswoeren. Ende wair yemant, die
dair tegen wesen ende dat wederstaen woude, die soude ver
bueren alsoe dicke, als hijt dede ende men dat op hem proeven
mochte mit gezwoeren off mit drie warachtige mannen, een
boete van X lb.
<jl2\ Item, soe en sal nyemant oheen wairdijc in der dijckaed-
sen voirscr. moegen annemen, dats te weten bi jaren te be
staden, maer een ygelic sal sijnen dijck selve maken off doen
maken bi sijnen huerlingen off huysgesinne.
<13N Item, so sullen die geswoeren vonnisse wijsen van den
bandiick na den rechte van onsen lande ende gelijc die kuere
dairaff uutwijst. Ende so wie van den geswoeren des weygerde,
dat souden wij an dien houden ende verhalen alst recht dairaff
bewijst.
<"14). Item, alsulck lant, als bi den tolenhuyse in den Broeck
leyt ende nu ter tijt vrij wesen wil, dat sal ter naester heventijt
in der dijckaedsen van den Broeck mede gehevent worden.
(15>. Ende wairt dat enige duysternisse viele in enigen van
1Hs. had hierna eerst, doorgehaald wille.
