70
den puncten voirscr., dat houden wij ter verclaringen van ons
ende onsen raide voirscr.
Ende want wij dit vaste ende gestade houden willen tot
ewigen dagen voir ons ende voir onsen nacomelingen, den
voirn. geseten in der wateringen van Beoisten Yersseke ende
hueren nacomelingen, soe hebben wij des te getuyge onsen
zegel hieran doen hangen. Gegeven opten Villen dach in
Aprille anno XXXVII secundum cursum curie.
Bi mijnen here den hertoge, grave van Hollant etc.
C. Vriese.
VERCLARINGE OP DESE VOIRSCR. HANTVESTE
Philips etc. doen cond allen luyden hoe dat wij ten oedmo-
digen vervolge van onsen prelaten, ridderscippe ende leen
mannen, steden ende goeden luyden van onsen lande van
Zuutbevelant, gegoet ende geërft wesende in onsen dijckaed-
sen van Beoisten Yersseke in onsen lande voirscr., so zij dat
lange an ons vervolcht hadden overmids der gebreke wille,
die dagelicx in der dijckaedsen ende op den dijck aldair ge
schieden. dairomme dat dat lant van jaere te jaere in groeter
vreesen lach, denselven onsen prelaten, ridderscip, steden ende
goeden luyden voirscreven gegonnet ende gegeven hebben
sekere hantvesten ende privilegen dairbij dat die dijckaedse
ende gemeen wateringe van beoisten Yersseke voirs. voirtan
geregiert ende bedreven sal werden. Ende so die voirscr. hant-
veste onder andere poincten inhout, wairt dat in enigen pointe,
dairinne begrepen, enige duysternisse viele, dat wij dat souden
houden tot onse verclaringen 1so ist dat na der tijt van der
hantveste voirscr. zekere gebreken ende twidrachten gevallen
sijn tusschen onsen dijcgrave ende enige van onsen ridderscip
ende goeden luyden voirscr. op dat verstant van sommigen
poincten, begrepen in den hantvesten voirscr., ende opdat die
altijts tot nutscip ende profijt van onsen lande ende dijckaedse
voirscr. gebruyct sal moegen worden ende dat hun nyemant
mit rechte dairtegens en sal moegen hebben te beclagen, so
ordineren ende verclaren wij op die hantveste voirscr. alsulke
poincten, als hierna volgen, behoudelic dat die in allen anderen
poincten altijts wesen ende blijven sal in hoire volcomenre
macht, so zij was eer dese verclaringe gedaen werdt
<1). Eerst, so die voirs. hantveste bewijst dat die geswoeren
vonnissen wijsen sullen van den bandijck na den rechte van
1) Hiervóór art. 15.
