71
onsen lande ende gelijc die kuere dairaff uutwijst, so is te
verstaen dat die dijcban rijsen(?) sal gelijc den waterban,
(2). Item, tot wat tijden dat enich arbeyder, wie dat zij,
enich werck opten dijck angenomen heeft, dragende boven
XX lb. gr., so verclaren wij dat hij dan terstont gehouden
wesen sal sijnen eedt te doen voir onsen dijcgrave aldair, alsoe
dat hij bij sijnen eede voirs. nomen sal alle dieghene, die mit
hem an dat voirscr. werck deel hebben ende off hij na der
tijt van zijnen eede meer veynoods dairtoe crege, die sal altijts
bij den eede voirs. hij den dijcgrave mede overleveren off
brengen ende nomen, ende sal mede gehouden wesen te
zweren, dat hij nyemant vermijdt en heeft, dat hij dat voirscr.
werck niet annemen en soude. Ende tot wat tijden dat yemant
alsoe enich werck angenomen heeft, die en sal dat niet moegen
overgeven tenzij bij consente van onsen dijcgrave ende ge-
swoeren voirscr.
<3). Item, op dat poinct in der hantvesten voirs., dat alle die
heersscippen den dijcgrave betalinge doen sullen voir hem
ende voir hueren ondersaten binnen XIIII dagen, dairop is
onse verclaren dat elck heersscip betalinge doen mach mit
leveringen van anderen heersscippen, die gegoet zijn in des
anderen ambocht. Ende tot wat tijden dat zij den dijcgrave
dan betalinge doen sullen voir hem off voir hoiren ondersaten,
so sullen zij, die overgelevert sijn, gehouden wesen die leve-
ringe te voldoen van hoiren eygen lande eer dat onse dijcgrave
voirs. enige betalinge anders van hem ontfaen off nemen sal.
Ende omdat die scepenen van de ambochten, in der voirscr.
dijckaedse gelegen, voir desen tijt niet geëedt en hebben ge
weest vonnissen te wijsen ende recht te helpen doen op die
gebreke van der dijckaedsen voirs., soe ordineren wij ende
bevelen mit desen brieve allen onsen ambochtsheersscippen,
in der voirscr. dijcgraefscip geseten, dat zij van desen tijt voirt
tot ewigen dagen toe aire tijt, als zij die scepenen vermaken
in hoiren ambochten, denselven, die zij tot scepenen ordineren,
sullen doen zweren dat zij vonnisse wijsen sullen ende recht
helpen doen op die gebreke van onsen dijckaedse ende water
geit, gelijc sij doen van onsen schote, sonder hem dairin te
moegen verweren in enigerwijs. Ende wair yemant, die dairin
contrary viele, dat souden wij an dien houden ende verhalen
als an denghenen, die ons Iants verderffenisse meynden.
<(4X Item, soe en sal onse dijcgrave opter voirs. dijckaedsen,
dat der gemeenre wateringe angaet, gheen andere oncosten
brengen noch setten voirder dan onse hantveste dat verclaert
ende uutwijst, uutgenomen dat elc gezworen vrij hebben sal