72
viertich gemeten lants in der voirscr. dijckaedse ende wate-
ringe, als van ouds gewoenlic is, mer waert sake dat yemant
enich werck opten dijck olf dat die gemeen wateringen angaet
angenomen hadde, dat hij niet en maecte ende dairom onse
dijcgrave opten dijck comen moeste, soe sal hij zijnen ende
den gezworen coste opten arbeyder, die zijn werk niet gemaict
en hadde, moegen rekenen.
<5). Item sal dieghene, die onderdijcgrave wesen sal in
onsen dijcgraefscip voirscr., gehouden wesen enen eedt te doen
als hij die dijcgraefscip annemen sal, dathij onse voirscr.
dijckgraefscip wail ende trouwelic sal bedienen, regieren ende
bewaeren tot oirbair ende profijte van den lande, als dairtoe
behoirt ende een goet, getrouwe dienaer sculdich is te doen.
<6>. Item wairt, dat yemant enich 1verboden werck an den
dijck name anders dan die hantveste uutwijst, dair hij an ver-
bueren soude III lb., soe verclaeren wij dat die boete wesen
ende blijven sal X lb., diewelke onse dijcgrave inwinnen sail
na inhout onser hantvesten voirscr.
<7>. Item, so verclaren wij dat men voirtan onsen dijcgrave
gheen dijck anschatten en sal soe verre als die yemant annemen
wil om gelt te maken.
<8>. Item, soe en sal nyemant voirtan, wie hij sij, korven
liggen in sluysen off in huelen off naerder moegen visschen
dan op X roeden der sluyse off huele als die sluyse dragen,
ende dat mit gaerne 1) 2), noch gheen hoefden steken in enigen
waterganc, op die boete van X lb. alsoe dicke ende menich-
werven, als zijt deden.
Ende omdat wij dese verclaringe ende alle pointen voirscr.
onsen ambochtsheerscippen, leenmannen, steden ende goeden
luyden, die geseten ende gegoet sijn in der dijcgraefscip ende
wateringe voirs., volcomelic houden ende van enen ygeliken
gehouden willen hebben tot ewigen dagen, soe hebben wij des
te getuyge desen brieff doen besegelen mit onsen zegel, hieran
gehangen. Gegeven opten Xen dach in Merte a° XXXVIII
secundum cursum curie.
Bi mijnen heere den hertoge, grave van Hollant etc.
C. Vriese.
(Opeenvolgende gelijktijdige afschriften. Algemeen Rijksarchief,
Leen- en registerkamer van Holland, Register Philippus B, 14321460,
Cas K, fol. 3941 vo).
1Hs. heeft hierna, doorgehaald werck.
2) Verwijs en Verdam, a. w. II, k, 892, noemt gaern ook in de be
tekenis van nethelemaal duidelijk is de zin echter niet.