trecken, tot voor zeker hauten sluus anclevende de voorseijde Rommerspoldere
int jaer Lil gheheel ende al metter cracht van den watere commende uutter zee103
uutvloeijde, emmers een groot deel van dien; omme welcke sluijs wederomme
up te rechtene, tlant van Hulsterambacht grooten last ende cost hadden. Welcken
Rommersdijck overal becrampt es jeghes tbevloijen van der zee, ende ooc overal
ghehoocht met eender mutse, zo men tselve merckelijck sien mach bij den smal-
heijt van den selven dijck. Welcke crammen tweewaerfven104 tsiaers ghedaen
moet wesen dat niet en ghebuert sonder grooten coste. Welcken Rommersdijck
loop heeft tot voor thuus daer wonachtich es Laureins Seijs, van welcken Rom-
mersdijcke wederomme ancomt de prelaet van Den Dunen met zijnen poldre
ghenaempt Cleen Heinsdijck den welcken streckende es totten Zouten Lande.
Ende omme daer toe te commene sal ulieden mijne voornomde heeren believen
te treckene noort upwaert lancxst den selven dijck, aldaer de procureur ulieden
mijne voornomde heeren bewijst in tbeghinsele van dien den zeiven dijck jeghes
tbevloeijen van den souten watere becraempt es, zo verre als den selven dijck
draecht ende bestrect. Biddende ulieden mijne heeren dairof hooghe mercke
inspectie ende visie te nemene ende ooc regaert105 up de hoochde ende breedde
van den zeiven crapsele ende lingde van dien.
Ende thenden van den voorseijden Cleen Hensdijck wesende zo betoocht de pro
cureur ulieden mijne voornomde heeren zekeren poldere ghenaempt den Souten-
lanschen Poldre106, toebehoorende mijnen heere den prelaet van Dunen, lig-
ghende up de noortoostzijde van den dijcke, aldaer dat an compt den selven
Soutlansghen dijck, streckende totten Nispoldre, welcken dijck van lingden es
IXc roeden ofte daerontrent, ooc overal becrampt ligghende jeghes de vloet van
der zee.
Ende commende voor thuus daer wonachtich es Joos Loen, betoocht de procu
reur ulieden mijne voornomde heeren dat den dijck ter zeewaert inne uut gheleijt
es ende becrampt de lingde van drie vijfendetwintich roeden, twelcke ooc groote
somme van penninghen ghecost heeft. Zo ooc de procureur ulieden mijne heeren
te kennen gheeft ende betoocht dat van den beghinsele van den Soutlantschen
dijcke totter voorseijder extentie gheleghen zijn den nombre van X zo XI velt-
dammen behoorlijck becrampt.
Ende commende ten hende van den voorseijden Soutendijckpoldere zo betoocht
de procureur ulieden mijne voornomde heeren den107 voorscreven Nijspoldere™
mijnen voornomden heere den prelaet van Dunen toebehoorende, gheleghen
nooit. Van welcken ulieden mijne voornomde heeren believen sal te transporte
ren westwaert up voorbij de kercke van Ossenesse tot an den dijck van den Nieu-
lanschen Poldere, nu drijvende ende ghemeene metter zee, wesende ooc een
groote lijngde ende al ghecrampt, metgaders ooc uutgheleijt tot jeghens over de
kercke ende alzo voort in diverssche plaetsen ende streken met drie velsdammen.
Van welcken ouden dijck van den Nieulanschen Poldere ulieden mijne voor
nomde heeren believen zal nort upwaerts te treckene lancx den voorseijden Nijs
poldere, aldaer ancompt de vlacke zee zonder eenich voorlandt thebbene. Ter
103. 'stede' is doorgehaald.
104. 'tweewaerfven': tweemaal.
105. 'inspectie visie regaert': ogenschouw, onderzoek.
106. 'Souten Lanschenpoldre'Zoutenpolder of Burchtpolder.
107. 'prelaet van Dunen gheleghen noort' is doorgehaald.
108. 'ulieden'is doorgehaald.
25