jaer werckende waeren, zo wel winters sdaechs als zomer daechs, ende coste in
estimable somme. Ende nu drijft tzelve hooft ende licht in de diepte van der zee.
Ende commende'67 thende den voornomde Nieuwen Hofpoldere, so betoocht u de
procureur datter ancompt den dijck ghenaempt den Besloten Noorthofpoldere,
den welcken poldere ooc inundeerde int jaer Lil, zo vooren gheseijt es, versouc-
kende an ulieden mijne voornomde heeren dat ulieden believe te transporteren up
den selven dijck zuutoostwaert uppe, tot den hoofde ghenaempt Walshoorde168,
voorbij den huijse daer voortijden ghewoont heeft Joos de Wijntere, daer de pro
cureur ulieden mijne heeren betoocht van den zelven huijse, voorts ligghende een
dijcstael thende van den welcke gheleghen es een rijsseren hooft twelcke gheleijt
es gheweest tsichtent jaer IX, als inundeerde Hontenesse, zomen merckelijck sien
mach an de kercke aldaer staende bevloeijende ende ghemeene metter zee. Ter
welcker plaetse169 voor tselve rijsseren hooft gheleghen es groote diepte ende
grontbrixemen170, daer duere int jaere LII171 inundeerde Jacob Verssinspoldere,
noch jeghenwoordelijck drijvende ende ghemeene metter zee. Welck voorseijde
rijsseren hooft ghecost heeft inestimable somme, ende jaerlicx doet, ende dient
tselve onderhouden te wesene, ofte anderssins soude ghescepen zij172 te inunde
ren, eerst den Noordijckpoldere, ende alle dandere polders daer achter ghele
ghen, als tselve rijseren hooft preservatijf173 van dien wesende, ghemerct den
grooten stroom, diepte ende grontbrixem daer an ende vooren gheleghen, ende
sonderlinghe ooc den val ende neerde van der zee174, daer commende int af-
vloeijen nederval ende ebbe van der zeiver zee.
Ende de selve inspectie aldaer ghenomen hebbende, sal ulieden mijne heeren be
lieven te transportereren'75 lancxst den Noortdijckpolder streckende zuut176 ten
oosten, daer ghijlieden mijne heeren bevinden suit diversche veltdammen, we
sende preservatijfven van den zelven poldere, ende dat den teen van dien zoude
moeghen begront woorden177. Ende commende tot an eenen keer ligghende oost
ten noorden, ende van daer streckende zuutoost tot an sekeren thuin aldaer de
procureur ulieden mijne heeren betoocht zekeren knol van dijcx, ter welcker
plaetsen den selven dijck apparent was in te brekene emmers den Xlen junij laets-
leden, ten welcken tijde ende plaetse de vloet van der zee zoo hooghe quam dat
up eenen voet bijnaer overvloeijde, zo men in diversche plaetsen zien mach bij
den vloemercken. Ende dient ter selver plaetsen een rijsseren178 hoofdekin ghe
leijt te worden, ter zeewaert inne, als aldaer gheen voorlant hebbende, correspon
derende up trijsseren'79 hooft bij Walshoorde vooren ghededuceert180.
167. 'anden twesten stael, ligghende' is doorgehaald.
168. 'Wals hoorde': Walsoorden.
169. 'daer'is doorgehaald.
170. 'ligghen'is doorgehaald.
171. 'LX' is doorgehaald.
172. lees: 'zijn'.
173. 'preservatijf': beschermend, voorkomend.
174. 'den val ende neerde van der zee': de plaats, waar de zee snel dieper wordt, de diepe stroom-
geul.
175. 'transporteren'.
176. Letter 'd' doorgehaald.
177. 'ende commen' is doorgehaald.
178. 'hooft' is doorgehaald.
179. 'hooft van' is doorgehaald.
180. 'ghededuceert': afgeleid.
31