zo hij doet jaerlicx ten onderhoude van den selven dijcken, den welcken Sandt-
poldere ooc inundeerde in de jaeren XXX ende XXXII.
An welcken Sandtpoldere ancompt den Scaperspoldere gheleghen zuutwest van
den dijcke. Van welcke baille ulieden mijne heeren believen zal te treckene up
den zeiven Scaperspoldredijck, streckende zuijtoost, voorbij den huijse daer
wonachtich es Jan Wouterssone Vermaert, daeran gheleghen es een weel188, ter
welcker plaetse den zei ven Scaperspoldere ende den meerderen deel van Heijns-
dijck inundeerde int jaer XI, den welcken dijck de procureur ulieden mijne heeren
voornomde betoocht.
Ende zal ulieden believen189 te ansiene ende anmercken dat den voorseijden Sca-
persdijck duer tpericle190 gheschiet in den jaere XXX ende XXXII den zeiven dijck
zeer ghehoocht ende angheleijt moeste werden, ende dient van binnen ghemaect
te worden an Scapersweel eenen barm met rijse.
Ende de selve inspectie aldaer ghenomen hebbende, zal ulieden mijne voor
nomde heeren believen te treckene zuijtoost191 up, lancxst tScapersdijck die
aboordeert der zee tot eender baille, daeran dat compt Boudeloodijck, die jaerlicx
onderhouden wordt bij den prelaet van Boudeloo, de heveringhe van Rietvliet
metghaders die van Sinte Pauwelspoldere.
Lancxst welcken voornomde Boudeloodijck ulieden mijne heeren believen zal te
treckene oostwaert uppe, voorbij den huijse daer woonachtich es Hubrecht Muij-
saert Pieterssone, tot zekeren weel ghevallen in den voorseijden Grooten Vo-
ghele. Ter welcker plaetse inundeerde den zeiven Voghelpolder die van Sinte
Pauwelspoldre, Lanswerde, metgaders de heveringhe van Rietvliet, ende twelck
gheschiede in den jaere XXX ende XXXII.
Ende de voorseijde visie ende inspectie oculaire ghenomen hebbende zal ulieden
mijne voornomde heeren believen te treckene altijts oostwaerts up over ende
lanxst den voorseijden Boudeloodijck, tot eender baille, staende voor thuijs daer
wonachtich es Claijs Gheerssone, aldaer hendt den voorseijde Boudeloodijck,
welcken dijck tsichtent de voornomde jaeren XXX ende XXXII zeer ghehoocht
versterct ende annegheleijt es, twelck ghecost heeft groot inestimable somme, zo
men de saeke daertoe ghedisponeert192 zijnde betooghen zal.
Ende thenden van den zelve baille es ghestaen een tweeste baille daeran dat
compt den dijcke van der Grouwe, den welcken dijck u believen zal oostwaerts
up te treckene tot zekere keere193 oft vinghelinck. Ter welcker plaetse een dee-
linghe dijcx194 ghenaempt tHulsterssche Gat wel van der lingde van tzestich roe
den inbrake viel met een weel, zo dat de Grouwepolder over al beloopen ende
bevloeijt was, twelck ghebuerde int jaer XI. Ende men ziet merckelijck dat ter
zeiver plaetse de suite oft tsautwater omme de onvastelechede195 van den dijck
noch daghelijcx den dijck duerdraecht.
188. 'weel': wiel, oude dijkdoorbraak.
189. 'ooc blijcken' is doorgehaald.
190. 'peril' is doorgehaald.
191. west' is doorgehaald.
192. 'ghedisponeert': besloten, overeengekomen.
193. 'keere': draai, bocht.
194. 'deelinghe dijcx': dijkstuk dat door bepaalde gelanden wonend in een daartoe aangewezen
evering wordt onderhouden.
195. 'onvastelechede': letterlijk onvastheid, dat wil zeggen weinig houvast biedend. In de context
een dijklichaam, dat moeilijk te onderhouden is door het ontbreken van voldoende klei, e.d.
34
