Ende treckende voorts oostwaerts uppe zo betooght de procureur ulieden mijne
voornomde heeren een andere imbrake ghevallen in de voorseijden dijcke int
voorseijde jaer XI, bij twee distincte inbraken ende grontbrexemen, twelck ghe-
heeten es tWerrebroucssche Gat met eener weel daermede ooc bevloijde den
voorseijden poldere met al den lande daerontrent gheleghen tot onder Hulst.
Item zal ooc blijcken eijst noodt dat int jaer Lil vielen over al den gheheelen dijck
van den Grouwe groot Vc II roeden diverssche overvloeden ende grontbrexe
men, die mijnen heeren den prelaet van der Doest costen omme te vollen dijcke
te bringhen VIIc ponden grooten ende bat.
Ende thenden van welcken dijcke van den Grouwe passerende voor thuijs ende
hof van Arnoult Pieterssone compt an den dijck van den Capitle van Curterijcke
ghenaempt Duvershouck, streckende noortwaert up, aldaer men bevinden zal een
weel ghebleven duer een inbrake ghevallen int jaer XXXII. Ter welcker plaetsen
den dijck groot lijden heeft van den stroom, storme ende hooghe vloet van der
zee, twelck men claerlic bemercken mach bij den vloemerck aldaer ghebleven
ligghende den Xlen junij LXII, ten welcken de zee bijnaer overvloeijde. Ten on
derhouden van welcken dijcke drie van Hulsterambacht dooghen heurlieden con-
tigent196, zo tzelve blijcken zoude waerdt noodt.
Ende dinspectie aldaer ghenomen hebbende, zal u mijne voornomde heeren be
lieven treckende noordt ten westen up tot an zekeren dam ofte dijck ghenaempt
den Corten Dijck, streckende oost over de kercke van den poldere van Naemen,
aldaer ancompt Speijerspoldere toebehoorende de C. Mt., in welcken dijcke van
den beghinsele van dien tot zekeren dijck ghenaempt baille, daer wonnachtich es
Huughe Thomaessone, ulieden mijne heeren betooghende, voor welcke huijs den
Xlen junij LXII laestleden de zee overvloeijde ende es overal van den beghinsele
totten hende duerbroken, nietjeghenstaende de cramminghe ende197 grooten ende
langhen plasbaerm198 ter zeewaert inne ligghende.
Ende de visitatie ghenomen hebbende zal ulieden mijne voornomde heeren belie
ven ulieden passaige te nemen met eenen keere ende draijende oostzuijtwaert up
omme tot an den zeedijck van Speelmanspoldere, toebehoorende in partijen de
C. Mt. ende eeneghe leenhouders, welcken dijck ooc bij naer duerstroomt es tot
voor de hofstede van Adriaen Lettaert. Ende van daer oostwaert up treckende
totter dicaige van Middelpoldere, toebehoorende der Mt., welck twee polders
vloeijden beede uut ende inundeerden elcanderen, daerbij de ghelande groote
schaede hadde zoot blijcken zoude.
Ende van daer zal ulieden mijne voornomde heeren believen te treckene oost
waerts met eenen keere tot an der dicaige van den poldere van Naemen, welcke
dicaige van Groot Merlemont welcke dicaige onderhouden wordt bij den ghe-
meenen upsetenen van Hulsterambacht'99.
Item ende daer thenden compt anne met eenen keere oost ten zuijden Cleen Mer
lemont, gheleghen binnen Chaeftinghe, tusschen welcker dicaige van Groot Mer
lemont ende Cleen Merlemont de procureur ulieden mijne voornomde heeren be
wijst een groot sluijs.
196. 'contigent'; aandeel, verplicht gedeelte in een contributie.
197. 'den'is doorgehaald.
198. 'ten'is doorgehaald.
199. 'ghemeenen opsetenen van de gelanden van het ambacht.
36
