Die dag stap luiters verby soos 'n kat,
stert omhoog. Laat my jou streel.
Spring nou op my skoot. Ek wil
jou iets vertel. ]y gaan my elke
dag verby en ek kyk jou agterna,
en roep, maar jy skuur jou wang
teen die verlede. Elke dag loop daar
'n dag uit my lewe en gaan slaap
opgekrul en droom hom met bewende
snor binne-in my daaglikse handel.
Vorentoe, agtertoe loop die tyd
katvoet aan my verby, en spin.
