stede van der Goes ende eylant van Zuyt-Bevelant yet attemptere dat tegen die
ghemeene ruste ende vrede zoude mogen zijn ende sonderlinge tegen de voerschre
ven Catholicque Roomsche religie ende exercitie van dyen noch oick dat yemant
ter cause van dyen geimjurieert, geirriteert ofte duer ghelijcke acten geschandali-
seert werde. Behoudens dat zoewel die van Hollant ende Zeelant als andere geoir-
loft zij binnen der verschreven stede van der Goes ende eylant van Zuyt-Bevelant
in alle vrijheyt ende verseeckerheyt te hanteren gaen, keeren, woonen ende traf-
fickeren, coopmansgwijse ende anderssins sonder in der conscientiën ondersocht
ofte ter causen van dyen geinquieteert te werden, nemende zijne Excellencie ten
fyne voerschreven in haere protectie ende sauve garde alle kercken, godshuysen
ende gheestelijcken plaetsen der voerschreven stede ende eylande met alle geeste-
lijcken persoonen van de voerschreven religie, die daer jeghenwoerdich zijn ende
noch sullen willen comen met allen hueren goederen ende ghevolch.
Is voirts ondersproken dat zijne Excellencie egheen Gouvemuer ofte Superinten
dent, knechten ofte crijchsvolck binnen der voerschreven stede ende eylant in
gamisoene en zal doen leggen dan tot coste van de gemeene saecke oick bij voir-
weten ende toestaen van de magistraet der zeiver stede ende dat in tijde van noo-
de, ende als zijne Excellencie bevinden zal zulcx oirboirlijck te wesen tot welvaert
van der stadt ende lande voerschreven. Ende en sullen alsdan alsulcken Governuer
ofte knechten die van de Catholicscher religie noch die geestelijcke plaetssen ende
persoonen, noch hueren goeden egheen hinder oft belet mogen doen, blijvende
evenwel ende t'allen tijden de bewaerenisse van des stadtssluetelen bij de burg
meesters der voerschreven stede.
Dat oick alle administratie van justicie, criminele ende civile, weerlijck ende ghees-
telijck jurisdictie yder in zijn respect blijven zal bij de magistraeten, wetten ende
officieren nu zijnde oft bij anderen die jaerlijckx in hunne plaetsen gestelt zullen
werden bij denghenen die naer ouder coustumen ende van rechtswegen daertoe
preeminentie hebben ende gherecht zijn. Alles conform ende volgende de oude
privilegiën ende coustumen voer dese troublen aldaer geobserveert.
Sullen ooick blijven onder 't resort ende appellatie van allen sententiën ende von
nissen als naer ouder coustumen in welcke ende alle andere haere oude privilegiën,
gerechticheden, hantfesten, kueren ende oude coustumen zijne Excellencie be
looft heeft ende beloeft mits desen den zeiven van der Goes ende Zuyt-Bevelant
te mainteneren ende beschermen sonder eenighe infractie.
Wat nu raeckt de schulden bij de Staeten van Hollant ende Zeelant gemaeckt ende
gecontracteert voir date van desen daeraff zullen die van der Goes ende Zuyt-
Bevelant vrij ende exempt zijn ende oock genyeten alle vrijheyt van licenten ende
anders als andere steden van Hollant ende Zeelant.
Ende want die voerschreven van der Goes ende Zuyt-Beveland noch schuldich zijn
seecker merckelijcke somme van penningen dewelcke zij geëmployeert hebben tot
de betaelingen ende quytinge van de Duytschen gaernisoene aldaer geleghen heb
bende ende ander nootsaecken sedert de maent van october lestleden opgecomen
16